Годовые архивы: 2021

ИЛК МЕМОРАНДУМ

Республика тарихида илк бор Жиззах вилоят суди ва ННТ ўртасида Меморандум имзоланди.

Жиззах вилоят суди биносида Ўзбекистон Республикасининг 2014 йил 24 сентябрдаги «Ижтимоий шериклик тўғрисида»ги Қонунига асосланиб, Жиззах вилоят суди ва Республика “ISTIQBOLLI AVLOD” ижтимоий-ахборот марказининг Жиззах вилоят бўлими ҳамда Жиззах вилояти “Istiqlol  аvlodi”  ижтимоий-иқтисодий  ва ҳуқуқий қўллаб-қувватлаш маркази ўртасида ижтимоий ҳамкорликка бағишланган йиғилиш бўлиб ўтди.

Кун тартибида 2021 йил 26 ноябрда тасдиқланган Ўзбекистон Республикасида чақалоқ ва болалар савдоси билан боғлиқ жиноий ҳолатларнинг олдини олиш ва унга қарши курашиш йўналишида ўзаро ҳамкорлик қилиш, аҳоли орасида тарғибот-ташвиқот тадбирини олиб бориш ҳамда одам савдоси жиноятидан жабрланган чақалоқлар ва болаларни ижтимоий ҳимоялаш ишларини ташкил этиш дастурининг бандлари ижросини таъминлаш мақсадида Республика Нодавлат нотижорат ташкилоти билан ҳамкорлик Меморандуми имзолаш муҳокамага қўйилди.

Йиғилишда Ўзбекистон Республикасининг 14.09.2016 йилдаги “Ёшларга оид давлат сиёсати тўғрисида”ги Қонуни, Ўзбекистон Республикаси Президентининг 02.02.2017 йилдаги “Аҳолининг ҳуқуқий онгини ошириш тўғрисида” ги ПҚ  2761-сонли Қарори ҳамда 30.07.2019 йилдаги “Одам савдосига ва мажбурий меҳнатга қарши курашиш тизимини янада такомиллаштиришга оид қўшимча чора-тадбирлар тўғрисида”ги ПФ-5775-сон Фармони, Ўзбекистон Республикасининг 17.08.2020 йилдаги “Одам савдосига қарши курашиш тўғрисида”(янги таҳрида)ги Қонуни ҳамда Ўзбекистон Республикаси Вазирлар Маҳкамасининг 08.02.2021 йилдаги 60-сонли «Одам савдосидан жабрланган ёки одам савдосидан жабрланган деб тахмин қилинаётган шахсларни миллий даражадаги қайта йўналтириш тизимини тасдиқлаш тўғрисида»ги Қарорининг “Хотин-қизларни тазйиқлар ва зўравонликдан ҳимоя қилиш тўғрисида”ги 02.09.2019 йилдаги № 561-сон Қонун ва “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги 02.09.2019 йилдаги № 562-сон Қонуни талабларидан келиб чиқиб, вилоят ҳудудида ҳамкорликда аниқ мақсадли тарғибот профилактик тадбирларини амалга ошириш тўғрисида  келишиб олинди.

Жиззах вилояти ҳудудида ёшлар ўртасида жиноятчиликни олдини олиш, одам савдоси ва коррупцияга қарши  курашиш борасида  аҳолини ҳуқуқий маданиятини шакллантиришга қаратилган комплекс чора-тадбирларни амалга ошириш, давлат бошқарув органлари билан ўзаро ҳамкорлик алоқаларини янада кучайтириши мазкур меморандумнинг предмети ҳисобланади.

Одам савдоси ва оиладаги зўравонлик билан боғлиқ жиноятчилик таҳлилларидан келиб чиқиб,  одам савдосига қарши  курашиш, жабрланувчиларни манфаатларини ҳимоя қилиш  мақсадида, ижтимоий шериклик тамойилларига монанд ўзаро ҳамкорликдаги иш фаолият самарадорлигини янада ошириш юзасидан  қўшимча чора-тадбирлар  режасини ишлаб чиқиши мумкин.

Меморандумга томонларнинг келишувига биноан ўзгартириш ва қўшимчалар киритилиши мумкин. Ҳар қандай ўзгартириш ва қўшимчалар Меморандумнинг ажралмас қисми ҳисобланади.

Жиззах вилоят суди раиси Ў.Б.Джумаев нодавлат нотижорат ташкилотлари томонидан амалга оширилаётган ишларга юқори баҳо бериб, мазкур меморандумга асосан ҳамкорликда Ўзбекистон Республикасининг 17.08.2020 йилдаги “Одам савдосига қарши курашиш тўғрисида”(янги таҳрирда)ги Қонунининг ижроси бўйича ишларни ташкил этишда юқори натижаларга эришишни таъкидлади.

Шунингдек, вилоят ҳудудида одам савдоси ва зўравонликка қарши курашиш бўйича ҳамкорликда аниқ мақсадли тарғибот профилактик тадбирларини амалга ошириш  тўғрисида  келишиб олинди.

Тадбир сўнггида Ўзбекистон Республикасининг 2014 йил 24 сентябрдаги «Ижтимоий шериклик тўғрисида»ги Қонунига асосланиб, Жиззах вилоят суди ва Республика “ISTIQBOLLI AVLOD” ижтимоий-ахборот марказининг Жиззах вилоят бўлими ҳамда Жиззах вилояти “Istiqlol  аvlodi”  ижтимоий-иқтисодий  ва ҳуқуқий  қўллаб-қувватлаш  маркази ўртасида ижтимоий ҳамкорлик тўғрисида меморандум имзоланди.

Алишер ПУЛАТОВ,
Жиззах вилоят суди бош консультанти

Сайёр солиқ текширувлари ва солиқ аудити натижалари бўйича қабул қилган қарорлар устидан судга мурожаат қилиш тартиби

Ўзбекистон Республикаси Вазирлар Маҳкамасининг 2021 йил 7 январдаги 1-сонли қарори билан тасдиқланган “Солиқ текширувларини ташкил этиш ва ўтказиш тартиби тўғрисида”ги Низомга асосан солиқ органлари “Камерал солиқ текшируви” “Сайёр солиқ текшируви” ва “Солиқ аудити” солиқ текширувларини ўтказади.

Солиқ тўловчилар ушбу солиқ турларининг мақсади ва қандай тартибда ўтказилишини билиб олишлари муҳим аҳамиятга эга. 

Камерал солиқ текшируви — солиқ тўловчилар (солиқ агентлари) томонидан солиқлар ва йиғимлар тўғри ҳисобланишини, ўз вақтида ва тўлиқ бюджет тизимига тўланишини текшириш мақсадида солиқ тўловчи, солиқ агентлари томонидан тақдим этилган солиқ ҳисоботларини ва (ёки) солиқ органида мавжуд бўлган солиқ тўловчининг фаолияти тўғрисидаги бошқа маълумотларни ўрганиш ва таҳлил қилиш асосида солиқ органи томонидан ўтказиладиган текширув ҳисобланади.

Сайёр солиқ текшируви — солиқ органлари томонидан солиқларни ҳисоблаб чиқариш ва тўлаш соҳасида солиқ тўловчиларнинг айрим мажбуриятларини, шунингдек, солиқ тўғрисидаги қонун ҳужжатларида белгиланган бошқа мажбуриятларини бажариш бўйича ўтказиладиган текширув бўлиб, унда ҳисобга олиш ҳужжатларининг, товар-моддий қимматликлар ва пул маблағлари ҳаракатининг, шунингдек, солиқ тўловчининг фаолияти билан боғлиқ бўлган бошқа ахборотнинг таҳлили ўтказилади.

Солиқ аудити — солиқ тўловчининг (солиқ агентининг) муайян даврдаги молия ва солиқ ҳисоботларининг солиқ тўғрисидаги қонун ҳужжатларига барча жиҳатлардан мувофиқлиги ва ҳаққонийлигини, солиқ солиш мақсадларида бухгалтерия ҳисоби ва солиқ солиш мақсадларида ҳисобга олишда солиқ мажбуриятларининг тўғри шакллантирилиши ва акс эттирилишини солиқ органи томонидан ўтказиладиган ўрганиш орқали солиқларни тўғри ҳисоблаш ва тўлашнинг тўғрилигини текширишдир.

Ўзбекистон Республикасининг Солиқ кодекси 231-моддаси 4-қисмига кўра, солиқ органининг сайёр солиқ текширувлари ва солиқ аудити натижалари бўйича қабул қилган қарорлари устидан суд тартибида шикоят қилиш фақат юқори турувчи солиқ органига шикоят қилинганидан кейингина  мумкин бўлади.

Ушбу Кодекснинг 235-моддасига кўра, юқори турувчи солиқ органи шикоятни олган кундан бошлаб бир ой ичида қарор қабул қилиши шарт. Ушбу муддат зарур бўлган ҳужжатлар ва ахборотни олиш учун 15 кундан ортиқ бўлмаган муддатга узайтирилиши мумкин.

Агар солиқ тўловчи юқори турувчи солиқ органининг қароридан норози бўлган тақдирда судга мурожаат қилиши мумкин.

Ўзбекистон Республикасининг Маъмурий суд ишларини юритиш тўғрисидаги кодекси 4-моддасига кўра, ҳар қандай манфаатдор шахс ўзининг бузилган ёки низолашилаётган ҳуқуқларини ёхуд қонун билан қўриқланадиган манфаатларини ҳимоя қилиш учун маъмурий судга (судга) мурожаат қилишга ҳақли.

Мазкур Кодекснинг 27-моддасига асосан солиқ органининг ва улар мансабдор шахсларининг қонунчиликка мос келмайдиган ҳамда фуқаролар ёки юридик шахсларнинг ҳуқуқларини ва қонун билан қўриқланадиган манфаатларини бузадиган қарорлари, ҳаракатлари (ҳаракатсизлиги) юзасидан берилган шикоятлар маъмурий судлар томонидан кўриб чиқилади.

Агар солиқ тўловчи (аризачи) сайёр солиқ текширувлари ва солиқ аудити натижалари бўйича қабул қилинган қарорлар устидан Ўзбекистон Республикасининг Солиқ кодекси 231-моддаси 4-қисмига асосан юқори турувчи солиқ органига шикоят қилмасдан, маъмурий судга ариза билан мурожаат қилган тақдирда, суд томонидан Ўзбекистон Республикасининг Маъмурий суд ишларини юритиш тўғрисидаги кодекси 133-моддаси  1-қисмига асосан, аризани иш юритишга қабул қилиш рад этилиши мумкин.

Шу сабабли солиқ тўловчи (аризачи) томонидан сайёр солиқ текширувлари ва солиқ аудити натижалари бўйича қабул қилинган қарорлар устидан судга ариза (шикоят) берилишидан олдин, ушбу қарорлар устидан юқори турувчи солиқ органига шикоят берилганлиги муҳим аҳамият касб этишини билишлари лозим.

Акмал Уринов – Жиззах туманлараро маъмурий судининг раиси

Мизроб Бахриев – Жиззах туманлараро маъмурий судининг судьяси

Брифинг

Жиззах вилоят суд раиси ўринбосари, жиноят ишлари бўйича судлов ҳайъати раиси Р.Орзуқулов Жиззах вилоятининг жиноят ишлари бўйича судлари томонидан 2021 йилнинг 9 ойи давомида одил судловни амалга ошириш, қонун устуворлигини таъминлаш, фуқароларнинг ҳуқуқ ва эркинликлари ҳамда қонун билан қўриқланадиган манфаатларини ишончли ҳимоя қилиш борасида муайян ишлар амалга оширилганлиги ҳақида сўзлади.

Бу ўринда суд раисларининг сайёр қабуллари, сайёр суд мажлислари, суд ҳужжатларининг мазмун-моҳиятини тушунтириш масалалари ҳам иш фаолиятмизда қамраб олинди.
Одил судловни амалга ошириш, адолатли суд муҳокамасини ўтказиш, адолатли қарорлар қабул қилишга қаратилган ислоҳотлар натижасини бугунги кунда фаолиятимиз таҳлилларида ҳам кўришимиз мумкин.
Жорий йилнинг 9 ойи давомида 1285 шахсга нисбатан 971 та жиноят иши кўриб чиқилган бўлиб, шундан 1061 шахсга нисбатан 774 та жиноят ишлари бўйича ҳукм чиқарилган, 212 шахсга нисбатан 193 та жиноят иши тугатилган, 2 шахсга нисбатан 2 жиноят иши бўйича тиббий йўсиндаги мажбурлов чораси қўлланилган.
Ўтган йилнинг шу даврига нисбатан жиноят ишларининг кўрилиши 119 тага ёки 12,0 фоизга кўпайган.
Жиноят ишларини биринчи инстанция судида кўришда 70 нафар шахсга қўлланилган қамоқ эҳтиёт чораси ўзгартирилиб, ушбу шахслар суд залида қамоқдан озод қилинган.
Шунингдек, барча инстанцияларда 13 нафар шахс оқланган бўлса, 242 шахсга нисбатан 162 та жиноят ишлари бўйича дастлабки тергов органлари томонидан қўйилган айбловлар ўзгартирилиб, ҳукмлар чиқарилган.
Судларнинг жазо тайинлаш амалиётини тахлил қиладиган бўлсак, ҳукм чиқарилган ишлар бўйича 78 шахсга ёки 7,8 фоизига жарима, 1 шахсга ёки 0,1 фоизига муайян ҳуқуқдан маҳрум қилиш, 11 шахсга ёки 1,1 фоизига мажбурий жамоат ишлари, 351 шахсга ёки 35,2 фоизига ахлоқ тузатиш ишлари, 278 шахсга ёки 27,9 фоизига озодликни чеклаш,
278 шахсга ёки 27,9 фоизига озодликдан маҳрум қилиш жазолари тайинланган.
Шунингдек, 265 та жиноят иши бўйича 214 нафар шахсга нисбатан ЖКнинг 57-моддаси қўлланилган ҳолда қонун санкциясида назарда тутилган энг жазо миқдоридан хам камроқ ёки санкцияда назарда тутилмаган бошқа турдаги енгилроқ жазо тайинланган, 14 нафар шахс ўта хавфли рецидивист деб топилган.
Биринчи инстанция судларида 158 та жиноят ишлари бўйича 234 нафар шахсларга нисбатан 22.759.602.496 сўмлик, апелляция инстанциясида 7 та жиноят ишлари бўйича 10 шахсга нисбатан 358.636.824 сўмлик моддий зарарлар ихтиёрий қопланганлиги сабабли озодликдан маҳрум қилиш билан боғлиқ бўлмаган жазолар тайинланган.
Ўтган йилнинг шу даврига нисбатан ўзлаштириш ёки растрата йўли билан талон-тарож қилиш жинояти 43 тага, йўл харакати хавфсизлиги қоидаларини бузиш жинояти 20 тага, безорилик жинояти 19 тага, қасддан баданга оғир тан жарохати етказиш жинояти 13 тага, қасддан баданга енгил шикаст етказиш 44 тага, фирибгарлик 21 тага кўпайган бўлса;
ўғирлик жинояти 12 тага, транспорт воситасини олиб қочиш жинояти 7 тага, гиёхвандлик билан боғлиқ жиноятлар 19 тага камайган.

Аёлларга нисбатан кўрилган жиноят ишлари:
Аёлларга нисбатан 135 шахсга нисбатан 121 та жиноят иши кўриб чиқилган.
Ушбу тоифадаги ишларнинг 43 таси ёки 35,5 фоизи сайёр суд мажлисларида кўрилган.
45 та жиноят иши бўйича 50 нафар аёлларга нисбатан ЖКнинг 57-моддаси қўлланилиб енгилроқ жазолар тайинланган. Аёлларнинг 16 нафарига жарима, 4 нафарига мажбурий жамоат ишлари, 17 нафарига ахлоқ тузатиш ишлари, 49 нафарига озодликни чеклаш ва 16 нафарига озодликдан маҳрум жазоси тайинланган.
Судланган аёлларнинг 21 нафарини муқаддам судланган аёллар ташкил қилади.

Вояга етмаганларга нисбатан кўрилган жиноят ишлари:
Вояга етмаганларга нисбатан 13 шахсга нисбатан 10 та жиноят иши кўриб чиқилган, шундан 11 шахсга нисбатан
9 та жиноят иши бўйича ҳукм чиқарилган, 2 шахсга нисбатан
1 та жиноят иши тугатилган.
Ушбу тоифадаги ишларнинг 1 таси ёки 11,1 фоизи сайёр суд мажлисларида кўрилган. Жазо тайинланган вояга етмаган 1 нафарига озодликдан маҳрум қилш, 7 нафарига озодликни чеклаш жазоси тайинланган.
Вояга етмаганлар жиноятчилигини олдини олиш юзасидан кўрилган ишларнинг барчасига хусусий ажримлар чиқарилган.

Ёшлар (14-30 ёш)га нисбатан кўрилган жиноят ишлари:

Ёшларга нисбатан 436 шахсга нисбатан 340 та жиноят иши кўриб чиқилган.
Ушбу тоифадаги ишларнинг 119 таси ёки 35,0 фоизи сайёр суд мажлисларида кўрилган.
Ушбу даврда жами 346 нафар ёшлар судланган бўлиб, шундан 33 нафари муқаддам судланган ёшлар ҳисобига тўғри келади.
346 та ёки ёшларга оид жиноят ишларининг 101,7 фоизи бўйича хусусий ажрим чиқарилган.

Шунингдек, 2021 йилнинг 9 ойи давомида жами 27 нафар шахсга нисбатан жамоат ташкилотлари томонидан берилган кафиллик хатларига асосан озодликдан маҳрум қилиш билан боғлиқ бўлмаган жазо тайинланган;
шундан, Ёшлар иттифоқи кафиллиги асосида 4 нафар шахсга нисбатан;
Маҳалла ва оилани қўллаб-қувватлаш бошқармасининг кафиллиги асосида 23 нафар шахсга нисбатан озодликдан маҳрум қилиш билан боғлиқ бўлмаган жазолар тайинланган.

Хисобот даврида жами 2302 та материаллар кўриб тамомланган бўлиб, шундан 682 нафар шахс жазони ўташдан муддатидан илгари шартли озод қилинган бўлса,
477 нафар шахснинг жазоси енгилроқ жазога алмаштирилган.

Қамоққа олиш ва уй қамоғи тарзидаги эҳтиёт чораларини қўллаш билан боғлиқ кўрилган материаллар ҳақида маълумот:
Хисобот даврида жами 389 та қамоққа олиш тарзидаги эҳтиёт чорасини қўллаш ҳақида материаллар кўриб тамомланган бўлиб, шундан барчаси қаноатлантирилган.
Хисобот даврида жами 10 та уй қамоғи тарзидаги эҳтиёт чорасини қўллаш ҳақида материаллар кўриб тамомланган бўлиб, барчаси қаноатлантирилган.

Юқори инстанцияларда жиноят ишларининг кўрилиши ҳақида маълумот:
Хисобот даврида Жиззах вилоят суди жиноят ишлари бўйича судлов ҳайъатининг апелляция инстанциясида жами 297 шахсга нисбатан 217 та жиноят ишлари кўриб тамомланган бўлиб, шундан 22 шахсга нисбатан суд қарорлари бекор қилиниб, 9 нафари оқланган бўлса, 30 шахсга нисбатан суд қарорлари ўзгартирилган.
Кассация инстанциясида жами 13 шахсга нисбатан 11 та жиноят ишлари кўриб тамомланган бўлиб, шундан 5 шахсга нисбатан суд қарорлари бекор қилиниб 4 нафари оқланган бўлса, 2 шахсга нисбатан суд қарорлари ўзгартирилган.

Вилоят, туман (шаҳар) судлари томонидан жисмоний ва юридик шахслар (вакиллари)нинг мурожаатларини кўриб чиқилиши:
2021 йил 9 ойи давомида Жиззах вилоят, жиноят ишлари бўйича туман ва шаҳар судларига жисмоний ва юридик шахслар (вакиллари) томонидан жами 331 та мурожаатлар келиб тушган.
Шундан 2 таси такрорий аризалар, 9 таси дубликат аризалар, 88 таси тааллуқлилиги бўйича юборилган, 240 та мурожаатлар ўрганилиб, қонуний ҳал этилган.
Мурожаатларни ўрганилишини ўтган йилнинг шу даврига нисбатан таққослаганда 123 тага ёки 51,25 фоизга кўпайганини кузатиш мумкин.
Ўрганиб жавоб берилган жами 240 та мурожаатларнинг 191 таси ёки 79,6 фоизи юзасидан ҳуқуқий тушунтиришлар берилган, 46 таси ёки 19,2 фоизи қаноатлантирилган, 3 таси ёки 1,2 фоизи рад қилинган.
Бундан ташқари, 2021 йил 9 ойи давомида Жиззах вилояти, туман ва шаҳар судларига Ўзбекистон Республикаси Президентининг виртуал қабулхонаси ва халқ қабулхонаси орқали жами 674 та мурожаатлар келиб тушган, 671 та мурожаатлар ўрганилиб жавоб берилган, ҳозирда 3 та мурожаат ўрганиш жараёнида.
Мурожаатларни ўрганилишини ўтган йилнинг шу даврига нисбатан таққослаганда 419 тага ёки 62,2 фоизга кўпайганлигини кузатиш мумкин.
Ўрганиб жавоб берилган жами 671 мурожаатларнинг 542 ёки 80,7 фоизи юзасидан ҳуқуқий тушунтиришлар берилган, 128 таси ёки 19,1 фоизи қаноатлантирилган, 1 таси ёки 0,1 фоизи рад қилинган.

2021 йил 9 ойи давомида Жиззах вилояти, туман ва шаҳар судларининг раислари томонидан Шахсий (сайёр) қабулларда 1058 та фуқаролар аризаси, таклиф ва мурожаатлар билан қабул қилинган бўлиб, шундан 258 таси ёки 24.4 % қаноатлантирилган ҳамда 800 таси ёки 75,6 % нинг қонуний ҳуқуқлари тушунтирилган.
Судлар томонидан шахсий ва сайёр қабулларни ўтган йилнинг шу даврига нисбатан таққослаганда 493 тага ёки
46,6 фоизга кўпайганлигини кузатиш мумкин.

Амалга оширилган профилактик тадбирлар.

Жиноят ишлари бўйича судлар томонидан 2021 йилнинг 9 ойи давомида жиноятларни олдини олиш, унинг содир этилишига сабаб бўлган шарт-шароитларни бартараф этиш юзасидан 674 та ёки жами кўриб тамомланган жиноят ишларнинг 70,0 фоизи бўйича хусусий ажримлар чиқарилган.
Умумий масалалар бўйича 18 та, муайян ишлар тоифаси бўйича 6 маротаба умумлаштиришлар ўтказилиб, аниқланган камчиликлар бўйича жойларга 8 та тақдимномалар киритилган.
Жиноят ишларининг 389 таси ёки 40,0 фоизи сайёр суд мажлисларида кўрилган.
Шунингдек, фуқароларнинг ҳуқуқий онгини ошириш ва жиноятчиликнинг олдини олишга қаратилган 66 маротаба корхона, муассасаларда, 517 аҳоли ўртасида, 32 маротаба ўқув муассасаларида лекциялар, суҳбатлар, учрашувлар ўтказилган бўлса, радиода 51 маротаба, газета ва журналларда 101 маротаба, телевиденияда 101 маротаба, веб-сайтларда 419 маротаба чиқишлар қилинган.

Маъмурий ҳуқуқбузарлик тўғрисидаги ишларнинг кўрилиши бўйича маълумот:

Жиноят ишлари бўйича Жиззах вилоят туман (шаҳар) судлари томонидан 2021 йилнинг 9 ойи давомида 15047 нафар шахсларга нисбатан 12756 та маъмурий ҳуқуқбузарлик тўғрисидаги ишлар кўриб чиқилган.
Маъмурий ишларнинг 3750 таси ёки жами кўрилган маъмурий ҳуқуқбузарлик тўғрисидаги ишларнинг 30,0 фоизи сайёр суд мажлисида кўрилган.
Судлар томонидан маъмурий ҳуқуқбузарлик тўғрисидаги ишларнинг кўрилиши ўтган йилнинг шу даврига нисбатан 752 тага ёки 5,8 фоизга, маъмурий жавобгарликка тортилган шахслар сони 1084 нафарга ёки 10,7 фоизга ошган.
Хисобот даври давомида 417 шахсга нисбатан 367 та маъмурий ҳуқуқбузарлик тўғрисидаги ишлар апелляция инстанциясида кўрилиб, шундан 226 шахсга нисбатан 200 та маъмурий иш бўйича суд қарорлари ўзгартирилган, 122 шахсга нисбатан 106 та маъмурий иш бўйича суд қарорлари бекор қилинган.

Жиззах вилоят суди

Шароф Рашидов туманида оммавий сайёр қабул бўлиб ўтди

Жиззах вилоят суди раиси ва ўринбосарлари, Жиззах вилоят Маъмурий суди раиси ҳамда Ўзбекистон Республикаси Президентининг Халқ қабулхонаси мудирлари, прокуратура, ички ишлар ва бошқа мутасадди ташкилот раҳбарлари томонидан 2021 йил 6 октябрь куни Жиззах вилоятининг Шароф Рашидов туманида ўтказилган оммавий сайёр қабулларида жами 28 та фуқаролар қабул қилинди.

Қабул қилинган фуқароларнинг 8 таси жиноят ишлари бўйича, 17 таси фуқаролик ишлар бўйича, 2 таси маъмурий судларга, 1 таси иқтисодий ишлар бўйича судларга оид мурожаатларни ташкил этади.

Шундан 19 та фуқаронинг оғзаки мурожаати, 9 та фуқаронинг ёзма мурожаатлари қабул қилинди.

Жами 28 та мурожаатлардан 17 таси бўйича ҳуқуқий тушунтиришлар берилди, 11 та мурожаат жойида ижобий ҳал этилиб, мурожатлар қаноатлантирилди.

11 та мурожаат қуйидагича ижобий ҳал қилинди:

– 6 нафар фуқаро жазодан муддатидан олдин шартли озод этилди.

– 2 нафар фуқаронинг алимент ундириш ҳақидаги аризаси қаноатлантирилди.

– 1 нафар фуқаронинг даъво аризаси конуний талабларга кура, тегишли тартибда кабул килинди ва мазмунан курилиши ваыти ва жойи хакида хабар берилди.

– 2 нафар фуқаронинг оиласи яраштирилди ва 1 нафар боланининг тирик етим булишиннинг олди олинди.

Қабулда муаммолари ҳал бўлган фуқаролар Олий суди ҳамда Жиззах вилоят суди раҳбариятлари номига ташаккурнома билдирдилар.

Пахтакор туманида оммавий қабул бўлиб ўтди

Жиззах вилоят суди раиси ўринбосарлари А.Шукуров, Р.Орзиқулов ва Ж.Қаххоровлар, Жиззах вилоят Маъмурий суди раиси А.Мамарахимов, туман суди судья ва раислари ҳамда Ўзбекистон Республикаси Президентининг Халқ қабулхонаси мудирлари, прокуратура, ички ишлар ва бошқа мутасадди ташкилот раҳбарлари томонидан 2021 йил 6 октябрь куни Жиззах вилоятининг Пахтакор туманида ўтказилган оммавий сайёр қабулларида жами 23 та фуқаролар қабул қилинди.

Қабул қилинган фуқароларнинг 13 таси жиноят ишлари бўйича, 8 таси фуқаролик ишлар бўйича, 1 таси маъмурий судларга, 1 таси иқтисодий ишлар бўйича судларга оид мурожаатларни ташкил этади.

Шундан 12 та фуқаронинг оғзаки мурожаати, 11 та фуқаронинг ёзма мурожаатлари қабул қилинди.

Жами 23 та мурожаатлардан 12 таси бўйича ҳуқуқий тушунтиришлар берилди, 11 та мурожаат жойида ижобий ҳал этилиб, мурожатлар қаноатлантирилди.

11 та мурожаат қуйидагича ижобий ҳал қилинди:

– 4 нафар фуқаронинг жазоси енгилроқ жазога алмаштирилди

– 5 нафар фуқаро жазодан муддатидан олдин шартли озод этилди.

– 1 нафар фуқаронинг алимент ундириш ҳақидаги аризаси қаноатлантирилди.

– 1 нафар фуқаронинг даъво аризаси ва унга илова қилинадиган ҳужжатлар қабул қилинди.

Қабулда муаммолари ҳал бўлган фуқаролар Олий суди ҳамда Жиззах вилоят суди раҳбариятлари номига ташаккурнома билдирдилар.

Жиззах вилоят судининг Жамоатчилик ва ОАВ билан алоқалар бўлими

Матбуот анжумани

Жорий йилнинг 27 сентябрь куни Жиззах шаҳар Давлат хизматлари маркази биносида Жиззах вилоят суди, Жиззах вилоят Маъмурий суди, Жиззах вилоят адлия бошқармаси ҳамда Жиззах вилояти ахборот ва оммавий коммуникациялар бошқармаси билан ҳамкорликда Жиззах вилоят судларининг жиноятларни жиловлаш, жиноятчилик профилактикасини янада такомиллаштириш, одил судловни таъминлаш ва коррупциядан ҳоли худудга айлантириш бўйича “Йўл харитаси”да белгиланган вазифалар ижроси доирасида судлар фаолиятининг очиқлиги, ошкоралиги ва шаффофлигини ошириш, судлар фаолияти билан жамоатчилик ва оммавий ахборот воситаларини хабардор қилиш мақсадида матбуот анжумани ўтказилди.

Унда фуқаролик, жиноят, иқтисодий ва маъмурий ишлар бўйича судларнинг 2021 йил 8 ой давомида одил судловни амалга ошириш борасидаги фаолияти, шунингдек, амалга оширилган ислоҳотлар ва қонунчиликдаги ўзгартишлар ҳақида айтиб ўтилди.

Жумладан, Мамлакатимизда сўнгги тўрт ярим йил давомида суд-ҳуқуқ соҳасида дунё ҳамжамияти тан олаётган қатор ислоҳотлар амалга оширилмоқда.

Айниқса судьяларнинг мустақиллигини таъминлаш ва мавжуд бўлган муаммоларни бартараф қилишга қаратилган кўплаб норматив ҳужжатлар қабул қилинаётганлигига гувоҳ бўлиш мумкин.

Жорий йилнинг 8 ойлигини сарҳисоб қилар эканмиз, бунда амалга оширилган ислоҳотлар натижасида Ўзбекистон Республикаси суд тизимида туб бурилиш ясалиб, янги босқичга кўтарилганлиги, бу билан фуқаролар ва юридик шахсларнинг одил судловга эришишда янги кенг имкониятлар яратилганлигини эътироф этмай иложи йўқ.-дейди Жиззах вилоят суди раисининг ўринбосари, фуқаролик ишлари бўйича судлов ҳайъати раиси А.Шукуров.

Амалга оширилган ислоҳотлар натижасида бугунги кунда Ўзбекистон Республикаси Олий судининг назорат инстанцияси тугатилиб, ишларни кассация тартибида кўриш ваколати ўтказилиши билан бирга, ҳар бир кассация шикояти судлов ҳайъати томонидан суд мажлисида кўрилиб, қарор қабул қилиниши тартиби жорий этилган.

Судлар фаолиятига ахборот-коммуникация технологиялари жорий қилиш орқали соҳани очиқлиги, шаффофлиги, тезкорлигини таъминлаш мақсадида Олий суднинг интерактив хизматлар портали “Mysud.uz” сайти жорий қилинган.

Ушбу портлада фуқаролар ва тадбиркорлар учун бевосита суд биносига келмасдан, масофдан туриб, онлайн бир қатор хизматлардан фойдаланиш имконияти жорий қилинган.

Фуқаролик-ҳуқуқий муносабатлардан келиб чиқадиган низоларнинг бошқа низолардан фарқини тушуниш – фуқаролик ишлари бўйича судлар ҳақида жамиятимизда фикр шаклланишида катта роль ўйнайди.

Фуқаролик ишларини кўришнинг алоҳида жиҳати суд процессида ўзини ҳақман деб ҳисобловчи икки тараф иштирок этади.

Энг асосийси улар кўпинча низога қонунийлик нуқтаи назаридан эмас балки ўзининг адолат нуқтаи назаридан ёндашишади.

Лекин бундай ҳуқуқий низоларда қарорлар кимнингдир зарарига чиқади, кимнингдир эса фойдасига чиқади, бу табиий ҳолат, чунки қарорни ҳар иккала тарафнинг фойдасига чиқаришнинг имконияти йўқ.

Фуқаролик ишлари бўйича судлар томонидан жорий йилнинг 8 ойи давомида 7425 та (2020 йилнинг шу даврида 5525 та) ёки 1900 та
(34,9 фоиз) кўп фуқаролик ишлари ҳамда низосиз талаблар бўйича
5107 та (2020 йилнинг шу даврида 2535 та) ёки 2572 та (101,4 фоиз) кўп суд буйруқлари чиқарилган.

Фуқароларимизнинг ҳуқуқий онги ва билимини ошириш мақсадида жами кўриб тамомланган ишларнинг 2647 таси (2020 йилнинг шу даврида 2498 та) ёки 35,6 (2020 йилнинг шу даврида 45,2) фоизи сайёр суд мажлисларида кўрилган.

Кўрилган 7425 та (2020 йилнинг шу даврида 5525 та) фуқаролик ишларининг 6758 таси (2020 йилнинг шу даврида 4718 та) ёки 91,0 фоизи (2020 йилнинг шу даврида 85,4 фоиз) бўйича ҳал қилув қарорлари чиқарилган бўлиб, шундан 5719 таси (2020 йилнинг шу даврида 3986 та) ёки 77,0 фоизи қаноатлантирилган, 1039 таси (2020 йилнинг шу даврида 732 та) ёки 14,0 фоизи рад этилган, 258 та (2020 йилнинг шу даврида
471 та) ёки 3,5 фоиз фуқаролик иши иш юритишдан тугатилиб, 409 та (2020 йилнинг шу даврида 336 та) ёки 5,5 фоиз даъво аризалар кўрмасдан қолдирилган.

Кейинги ойга 1638 та (750 та) фуқаролик ишлари қолдиқ бўлиб ўтган.

2021 йил 1-ярми якуни бўйича ўтган даврга нисбатан қуйидаги ишларнинг кўпайганлигини кўришимиз мумкин:

Судларга келиб тушган 6.963 та фуқаролик ишларининг асосий қисмини, яъни 2.818 (1.026 та) тасини ёки 40,5 (17,1) фоизини кредит шартномасидан келиб чиқадиган даъволар ташкил қилган.

Бундан ташқари, ишга тиклаш 49 тага (59 тадан 108 тага);

Иш ҳақи ундириш 14 тага (55 тадан 69 тага);

Никоҳдан ажратиш 180 тага (746 тадан 926 тага);

Қарз ундириш 182 тага (188 тадан 320 тага).

Жиззах вилоят суди фуқаролик ишлари бўйича судлов ҳайъати апелляция инстанцияси томонидан ўтган 8 ой мобайнида жами биринчи инстанция судларида кўрилган 7425 та фуқаролик ишларига нисбатан келтирилган апелляция шикояти ва протестларига асосан жами 290 та ёки 3,9 фоиз (ўтган йил апелляция ва кассацияда 272 та) фуқаролик ишлари кўрилган бўлиб, қолган 7135 та ёки 96,1 фоиз фуқаролик ишлари бўйича тарафлар шикоят қилмаган, яъни шу суд қарорлари бўйича тарафларнинг суд қароридан рози бўлганликларини англатиб турибди.

– Жиззах вилоятнинг жиноят ишлари бўйича судлари ўз фаолиятини Ўзбекистон Республикаси Конституцияси, Судлар тўғрисидаги Қонуни, Президентимизнинг Фармонлари ҳамда бошқа қонун ҳужжатларида белгиланган вазифлар асосида ташкиллаштириб, асосий эътиборни одил судловни амалга ошириш, қонун устуворлигини таъминлаш, фуқароларнинг ҳуқуқ ва эркинликларини ҳимоя қилиш, ягона суд амалиётини шакллантиришга қаратди.- дейди Жиззах вилоят суди раисининг ўринбосари, жиноят ишлари судлов ҳайъати раиси Р.Орзиқулов.

Судлар томонидан вилоятда сайёр қабуллар, сайёр судлар орқали суд ҳужжатлари мазмун-моҳиятини кенг тушунтириш ҳам қамраб олинди.

Вилоятнинг жиноят ишлари бўйича судлари томонидан Жорий йилнинг ўтган 8 ойи давомида 1121 шахсга нисбатан 842 та жиноят иши кўриб тамомланган бўлиб, шундан 925 шахсга нисбатан 673 та жиноят ишлари бўйича ҳукм чиқарилган, 184 шахсга нисбатан 165 та жиноят иши тугатилган, 2 шахсга нисбатан 2 жиноят иши бўйича тиббий йўсиндаги мажбурлов чораси қўлланилган.

Ўтган йилнинг шу даврига нисбатан жиноят ишларининг кўрилиши 149 нафар шахсга ёки 13,2 фоизга, ишлар сони 84 тага  ёки 9,9 фоизга кўпайган.

Ушбу даврда ҳукм чиқарилган ишлардан 241 шахсга нисбатан 170 та жиноят иши бўйича озодликдан маҳрум қилиш билан боғлиқ, 624 шахсга нисбатан 470 та жиноят иши бўйича озодликдан маҳрум қилиш билан боғлиқ бўлмаган жазо тайинланган, 15 шахсга нисбатан 8 та жиноят иши бўйича шартли ҳукм чиқарилган, жами 880 нафар шахс судланган (шундан 216 нафари муқаддам судланган шахслар).

Ўтган йилга нисбатан озодликдан маҳрум қилиш билан боғлиқ бўлган жазо тайинлаш 23 тага ёки 9,5 фоизга, озодликдан маҳрум қилиш билан боғлиқ бўлмаган жазо тайинлаш 123 тага ёки 19,7 фоизга, судланган шахслар сони 142 тага ёки 16,1 фоизга кўпайган.

Хисобот даврида жиноят ишларини биринчи инстанцияда кўришда 63 нафар шахснинг қамоқ эҳтиёт чораси ўзгартирилб, суд залидан озод қилинган. 

Шунингдек барча инстанцияларида 18 нафар шахс оқланган бўлса, 208 шахсга нисбатан 142 та жиноят ишлари бўйича дастлабки тергов органи томонидан нотўғри қўйилган айбловлар ўзгартирилиб ҳукм чиқарилган.

Жиноят судларининг жазо тайинлаш амалиётини тахлил қиладиган бўлсак, жазо тайинлаб ҳукм чиқарилган жиноят ишлар бўйича 71 шахсга ёки 8,2 фоизига жарима, 1 шахсга ёки 0,1 фоизига муайян ҳуқуқдан маҳрум қилиш, 11 шахсга ёки 1,2 фоизига мажбурий жамоат ишлари,
306 шахсга ёки 35,3 фоизига ахлоқ тузатиш ишлари,
235 шахсга ёки 27,1 фоизига озодликни чеклаш, 241 шахсга ёки 27,8 фоизига озодликдан маҳрум қилиш жазолари тайинланган.

Жиззах вилоят суди иқтисодий ишлар бўйича судлов ҳайъати, туманлараро ва туман иқтисодий судлари одил судловни амалга ошириш борасида бир қатор ишлар амалга оширилди. Жумладан, ҳисобот даврида судларга 8 205 та (2020 йилнинг шу даврида 7 926 та) ариза ва даъво аризалар келиб тушган. Шундан ҳисобот даврининг охирига қадар 7 235 таси ёки 82 % кўриб чиқилган (5 963 та). Кўрилган ишлар сони ўтган йилнинг шу даврига нисбатан 1 272 тага ёки 18 фоизга кўпайган.

Жиззах вилоят суди иқтисодий ишлар бўйича судлов ҳайъати, туманлараро ва туман иқтисодий судларида кўрилган иқтисодий ишлар бўйича ҳар иш кунида ўртача 43 тадан процессуал суд ҳужжатлари чиқарилган. – дея, сўзини давом этди Жиззах вилоят суди раиси ўринбосари, иқтисодий ишлар бўйича судлов ҳайъати раиси Ж.Қаххоров.

Суд мажлисларининг тарбиявий ва профилактик аҳамиятини ошириш, томонларга суд процессида қатнашиб, ҳуқуқ ва манфаатларини ҳимоя қилишлари учун қулайлик яратиш мақсадида кўрилган ишларнинг 2 834 таси ёки 39,2 фоизи сайёр суд мажлисларида ҳал этилган.

Ҳал этилган ишлар бўйича даъвогарлар фойдасига 548 млн. сўм ундириш ҳақида суд ҳужжатлари қабул қилинган.

Жорий йилнинг саккиз ойида бир судьянинг ўртача ойлик иш ҳажми
75 тани (70 та), Шу билан бирга айрим туманлараро иқтисодий судларидаги биринчи инстанция судларининг иш ҳажми вилоят кўрсаткичидан юқори бўлган. Жумладан, бу кўрсаткич Жиззах туманлараро иқтисодий судида 135 тани, Зомин туманлараро иқтисодий судида 179 тани ташкил қилган.

Тадбиркорлик субъектларидан иқтисодий судларга жами 1 387 та ариза ва даъво аризалари шунингдек, 94 та илтимосномиалар электрон шаклда юборилган.

Жиззах вилояти маъмурий суди ҳамда 1 та туманлараро маъмурий судларидан иборат.

2021 йил 8 ойида судлар тўлиқ таркибда фаолият юритди.

Маъмурий судларда нормал иш фаолияти юритиш учун ҳудудлардаги жиноят ишлари бўйича судларнинг биноларида зарур бўлган шароит ва компьютер техникаси воситалари билан таъминланган.

2021 йил 1 январидан бошлаб туман (шаҳар) маъмурий судлари тугатилиб, туманлараро маъмурий суди ташкил қилинди. – дейди вилоят маъмурий суди судьяси Ш.Болиев.

2021 йил 8 ойида туманлараро маъмурий суди иш юритувига келиб тушган оммавий ҳуқуқий муносабатлар билан боғлиқ ишлардан 378 та ариза бўйича ишлар кўриб тамомланган. Мазкур кўриб тамомланган ишлардан 194 таси ёки қаноатлантирилган, 130 та рад қилинган, 27 та иш тугатилган, 27 та иш кўрмасдан қолдирилган.

Оммавий ҳуқуқий муносабатлардан келиб чиқадиган низолар юзасидан туман ва шаҳар судлари томонидан ҳисобот даврида 68 та ишлар апелляция шикояти билан кўриб тамомланган. 51 суд қарорлари ўзгаришсиз, 11 та суд қарорлари бекор қилинган, 1 та суд қарори ўзгартирилган, 4 таси кўрмасдан қолдирилиб, 1 таси бўйича иш юритиш тугатилган.

Матбуот анжумани давомида иштирокчилар мавзу юзасидан ўзларини қизиқтирган саволлларига жавоб олишди.

Алишер Пўлатов,
Жиззах вилоят судининг Жамоатчилик ва
ОАВ билан алоқалар бўлими бош консультанти

ХОТИРА БОР ЭКАН МИЛЛАТ БАРҲАЁТ

Жиззах вилоят судида уч авлод учрашуви бўлиб ўтди. Учрашувда тизимда самарали меҳнат олиб борган фахрийлар ўзларининг бой тажриба ҳамда кўникмаларини ёш кадрлар билан ўртоқлашишди.
Фахрийларни эъзозлаш, уларнинг маслаҳатларига амал қилиш ҳар бир соҳада ўзининг ижобий натижасини бериши исбот талаб қилинмайдиган ҳақиқатдир. Вилоят судида соҳа фахрийлари билан тез-тез учрашиб туриш, уларнинг йиллар давомида тўплаган тажрибаларини ўрганиш анъана тусига кирган.
Қонун устуворлигини таъминлаш ва адолатни қарор топтиришда судлар алоҳида аҳамият касб этади. Шу билан бир қаторда қонунларда ёзилмаган, аммо амал қилиши лозим бўлган инсонийлик фазилатларига ҳам қатъий риоя қилиши зарур. Судья қандай масалани ҳал қилишдан қатъи назар ҳалоллик, холислик ва қонун устуворлигини таъминлашда адолатли бўлишни ўзига шиор қилиб олиши зарур. Зеро, давлатимиз раҳбарининг таъбири билан айтганда “Судьянинг онгида адолат, тилида ҳақиқат, дилида поклик ҳукмрон бўлиши керак”. Айни шу жиҳатлар Жиззах вилоят судида судьяликка номзодлар, илк бор тайинланган судьялар, фаолият юритаётган малакаси баланд судьялар ва фахрий судьялар иштирокида ташкил этилган учрашувда яна бир бор тилга олинди.
Тадбир сўнггида Ўзбекистон Республикаси Президентининг 2021 йил 26 августдаги “Ўзбекистон Республикаси мустақиллигининг ўттиз йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисида”ги Фармонига мувофиқ орден ва медаллар билан тақдирланган судья ва суд ходимларига мукофотларни топшириш маросими бўлиб ўтди.
Шунингдек, бир гуруҳ судья ва суд ходимларига “Ўзбекистон Республикаси Мустақиллигининг 30 йиллиги” эсдалик нишони ва вилоят судининг фахрий ёрлиқлари топширилди.

Алишер Пўлатов,
Жиззах вилоят судининг бош консультанти

Жиззах вилоят маъмурий судида семинар бўлиб ўтди

Сўнгги йилларда судлар фаолиятида замонавий технологияларни кенг жорий этиш бўйича амалга оширилган тадбирлар фуқаролар ва тадбиркорлик субъектларига ўз ҳуқуқлари ва манфаатларини ҳимоя қилиш учун судга мурожаат қилишни эркинлаштириш, умуман одил судловга эришишни ошириш ҳамда судлар фаолиятида очиқлик ва шаффофликни таъминлаш имконини берди.
Шу муносабат билан 2021 йил 30 август куни Жиззах вилоят маъмурий судида суд раиси Асқар Мамарахимов раислигида ўтказилган ўқув семинари Ўзбекистон Республикаси Президентининг 2020 йил 3 сентябрдаги «Суд ҳокимияти органлари фаолиятини рақамлаштириш чора-тадбирлари тўғрисида»ги ПҚ-4818-сонли қарорининг мазмун-моҳиятига бағишланди.
Мазкур ўқув семинарида вилоят ва туманлараро маъмурий судлари судьялари ва суд ходимлари иштирок этишди.
Семинарда маърузачилар ушбу Қонуннинг мазмун-моҳияти ва аҳамияти юзасидан судья ва суд ходимларига етказиш юзасидан батафсил маъруза қилдилар.
Семинар машғулоти қатнашчилари маърузачилардан ўзларини қизиқтирган саволларга жавоблар олишди.

Жиззах вилоят судининг жамоатчилик ва ОАВ билан алоқалар бўлими

АҲОЛИ ВА ТАДБИРКОРЛАРГА ҚОНУНЛАРНИНГ МАЗМУН-МОҲИЯТИ ТАРҒИБ ҚИЛИНДИ

Жиззах вилоят суди раисининг ўринбосари Ж.Қаҳҳоров томонидан Дўстлик туманидаги “Янгиҳаёт”, “Навойи”, “Ғофур Ғулом” МФЙ фаоллари, банк ҳуқуқшунослари, туман молия ва адлия бўлими ходимлариҳамда туманнинг тадбиркорлари билан учрашув ўтказилди.

Учрашувда Ўзбекистон Республикаси янги таҳрирда қабул қилинган “Судлар тўғрисида”ги қонунининг мазмун-моҳияти ҳамда сайлов қонунчилиги ва Ўзбекистон Республикаси Президенти сайловининг ўзига хос хусусиятлари мавзуларида суҳбатлар ўтказилди.

Учрашув жараёнида маҳалла фаолларига, давлатимизда охирги йилларда суд-ҳуқуқ соҳасида олиб борилаётган кенг қамровли ислоҳотлар, суд органлари тизимидаги улкан ўзгаришлар натижасида янгиланган суд тизими, суд ҳокимиятининг шаффофлиги, суд муҳокамаларининг очиқлиги, судьянинг мустақиллиги ва дахлсизлиги, унинг юқори даражада кафолатланган ижтимоий ҳимояси билан биргаликда, судьянинг одил судловни олиб боришда масъулиятини ошириш билан боғлиқ қоидалар мужассамлашган 101 моддадан иборат бўлган Ўзбекистон Республикасининг “Судлар тўғрисида”ги қонуни 2021 йилнинг 28 июль кунида қабул қилинганлиги, мазкур қонуннинг мазмун-моҳияти ва аввалги қонунлардан фарқли жиҳатлари тўғрисида сўз юритилди.

Шунингдек учрашувларда, Ўзбекистон Республикасида сайлов жараёнлари Ўзбекистон Республикаси Сайлов Кодекси нормалари асосида тартибга солиниши, Ўзбекистон Республикасида сайлов умумий, тенг, тўғридан-тўғри сайлов ҳуқуқи асосида яширин овоз бериш орқали ўтказилиши, Ўзбекистон Республикаси Президенти, Қонунчилик палатаси депутатлари ва маҳаллий Кенгашлар депутатлари сайловлари умумийлиги, яъни сайлов куни ўн саккиз ёшга тўлган Ўзбекистон Республикаси фуқаролари сайлаш ҳуқуқига эга эканлиги, фуқаролар жинси, ирқий ва миллий мансублиги, тили, динга муносабати, ижтимоий келиб чиқиши, эътиқоди, шахсий ва ижтимоий мавқеи, маълумоти, машғулотининг тури ва хусусиятидан қатъи назар, тенг сайлов ҳуқуқига эгалиги, сайловда иштирок этувчи ҳар бир фуқаро бир овозга эга бўлиб, суд томонидан муомалага лаёқатсиз деб топилган фуқаролар, шунингдек суд ҳукми билан озодликдан маҳрум этиш жойларида сақланаётган шахслар сайланиши мумкин эмаслиги ва суд томонидан муомалага лаёқатсиз деб топилган фуқаролар шунингдек, оғир ва ўта оғир жиноятлар содир этганлиги учун суднинг ҳукми билан озодликдан маҳрум этиш жойларида сақланаётган шахслар сайловда иштирок этмаслиги ҳақида тушунтиришлар берилди.

Тадбир қизғин мунозараларга бой бўлди. Тингловчилар ўзларининг қизиқтиртирган саволларига тегишли жавоблар олдилар.

Акбар ТЎЙЧИЕВ,
Дўстлик туманлараро суди раиси