Оилавий зўравонлик учун қандай жавобгарлик белгиланган?

Оила жамиятнинг бўғини ҳисобланади. Бироқ, оилада айрим ҳолларда аёл-қизларни тазйиқ ва зўравонликка учраш ҳолатлари кузатилмоқда. Аёлларнинг жамиятдаги ўрнини ошириш, уларни тўлақонли равишда ҳар бир жабҳада фаол бўлишларини таъминлаш, ҳуқуқларини ҳимоя қилиш мақсадида Ўзбекистон Республикасининг “Хотин-қизларни тазйиқ ва зўравонликдан ҳимоя қилиш тўғрисида”ги 2019 йил 2 сентябрдаги 561-сонли қонуни қабул қилинди. Мазкур қонун билан хотин-қизларни тазйиқ ва зўравонликдан ҳимоя қилиш соҳасидаги давлат сиёсатининг асосий йўналишлари сифатида хотин-қизларни тазйиқ ва зўравонликдан ҳимоя қилиш соҳасидаги гендер сиёсатини, давлат дастурларини ҳамда стратегияларни ишлаб чиқиш ва амалга ошириш;
жамиятда хотин-қизларга нисбатан тазйиқ ва зўравонликка доир муросасизлик муҳитини яратиш;
хотин-қизларнинг ҳуқуқлари, эркинликлари ҳамда қонуний манфаатлари тазйиқ ва зўравонликдан ҳимоя қилинишини таъминлаш;
жамиятда ҳуқуқий онг ва ҳуқуқий маданиятни юксалтириш, қонунийликни мустаҳкамлаш;
хотин-қизларга нисбатан тазйиқ ва зўравонликнинг олдини олиш, уларни аниқлаш, уларга чек қўйиш учун самарали ташкилий-ҳуқуқий механизмларни яратиш;
хотин-қизларга нисбатан тазйиқ ва зўравонлик содир этилишига олиб келадиган сабаблар ҳамда шарт-шароитларни бартараф этиш чораларини кўриш;
тазйиқ ва зўравонликнинг олдини олиш мақсадида давлат органлари, фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари ҳамкорлигини таъминлаш кўрсатиб ўтилган.
Ўзбекистон Республикаси Жиноят кодексига киритилган ўзгартиш ва қўшимчаларга кўра:
Хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки умумий фарзандга эга бўлган шахсга нисбатан содир этилган мулк, таълим олиш, соғлиқни сақлаш ва (ёки) меҳнатга оид ҳуқуқини амалга оширишга тўсқинлик қилиш, мол-мулкига ва шахсий ашёларига қасддан шикаст етказиш, худди шунингдек ушбу шахслар соғлиғининг ёмонлашувига олиб келган тарзда уларнинг шаъни ва қадр-қимматини таҳқирлаш, уларни қўрқитиш, яқин қариндошларидан ажратиб қўйиш, шундай ҳаракатлар учун маъмурий жазо қўлланилганидан кейин содир этилган учун жавобгарлик белгиланди.
Мазкур жиноят базавий ҳисоблаш миқдорининг йигирма бараваридан ўттиз бараваригача миқдорда жарима ёки бир юз олтмиш соатдан уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.
Хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки умумий фарзандга эга бўлган шахсга содир этилаётган пайтда ҳаёт учун хавфли бўлган қасддан баданга оғир шикаст етказиш натижасида кўриш, сўзлаш, эшитиш қобилиятини йўқотишга ёхуд бирон аъзонинг ишдан чиқишига ёки унинг функциялари тамоман йўқолишига, руҳий ҳолатнинг бузилишига ёки соғлиқнинг бошқача тарзда ёмонлашувига, умумий меҳнат қобилиятининг ўттиз уч фоизидан кам бўлмаган қисмининг йўқолишига ёки ҳомиланинг тушишига ёхуд баданнинг тузалмайдиган даражада хунуклашишига сабаб бўлса,
беш йилдан етти йилгача озодликдан маҳрум қилиш билан жазоланади.
Шунингдек, юқоридаги ҳаракатлар икки ёки ундан ортиқ шахсга нисбатан, такроран, хавфли рецидивист томонидан ёки илгари ушбу Кодекснинг 97 ва (ёки) 104-моддаларида назарда тутилган жиноятларни содир этган шахс томонидан, ўта хавфли рецидивист томонидан содир этилган бўлса, жабрланувчининг ўлимига сабаб бўлса — ўн йилдан ўн икки йилгача озодликдан маҳрум қилиш билан жазоланади.

 

Намозбой Мухтаров

Жиззах вилоят судининг
бош консультанти

Ўзбекистон Республикаси Олий суди раисининг ўринбосари Олимжон Исмоилов Жиззах вилоятида бўлиб, жиноят, фуқаролик, иқтисодий ва маъмурий судлар фаолияти билан яқиндан танишди

Олий суд раиси ўринбосари Жиззах вилоятидаги ўрганиш жараёнида Ғаллаорол, Зомин туман судлари ҳамда Жиззах шаҳридаги судлар фаолиятини ташкил этилганлиги даражаси, судьялар, ходимлар ва фуқаролар учун яратилган қулайликлар ва шарт-шароитлар билан танишди.

Судлардаги девонхона ва архивда иш юритиш жараёни қандай йўлга қўйилганига ҳам алоҳида эътибор қаратилди. Судларда судья ва ходимлар билан мулоқотлар ўтказилди.

Мулоқотларда ҳар бир судья ва суд ходими ўз ишига масъулият билан ёндашиши кераклиги, коррупция, тамагирлик каби иллатларга қўл урмаслик лозимлиги таъкидланди.

Шунингдек, ташриф мобайнида Жиззах шаҳрида вилоят суди учун барпо этилаётган янги бино қурилиши билан танишилди.

Жиззах вилояти судида бўлиб ўтган ўрганишлар якунига бағишланган йиғилишда вилоят судлари раислари, ўринбосарлар ва судьялар иштирок этдилар.

Йиғилишда суд тизимидаги ислоҳотларга тўхталиб, одил судловни амалга оширишда адолат ва қонунийликни таъминлаш, одил судловга эришиш даражасини, судларда ишчанлик муҳитини янада ошириш лозимлиги, судья ва суд ходимлари ўзларининг муомала маданияти билан бошқалардан ажралиб туриши, коррупциявий ҳолатларга йўл қўймаслиги таъкидланди.

Зомин туманлараро иқтисодий суди томонидан Зарбдор туманидаги касб-ҳунар мактаби биносида давра суҳбати ташкил этилди

Ўтказилган тадбирда судья томонидан Ўзбекистон Республикаси Конституциясининг янги таҳрирда қабул қилиниши мамлакатимиз тараққиёти, жамиятимизнинг ривожи ҳамда инсон ҳуқуқ ва эркинликларини таъминлашдаги аҳамияти муҳим эканлиги таъкидланди.

Шунингдек, ўтказилган давра суҳбатида сўнгги йилларда ижтимоий-иқтисодий, суд-ҳуқуқ йўналишида амалга оширилаётган кенг кўламли ислоҳотлар, бунда инсон ҳуқуқ ва эркинликларини ҳимоя қилишда Конституциянинг ўрни ва аҳамияти, суд ҳокимиятининг роли ҳамда давлат ҳокимияти тизимида парламент ва суд ҳокимиятининг ўзаро муносабатлари ҳақида сўз юритилди.

Савол-жавобларга бой кўтаринки рухда ўтган давра суҳбатида иштирокчилар ўзларини қизиқтирган саволларга судьялардан атрофлича жавоб олишди

“Ибратли судья” мукофоти эгаларига топширилди

Ўзбекистон Республикаси Президентининг 2020 йил 7 декабрдаги “Судьяларнинг чинакам мустақиллигини таъминлаш ҳамда суд тизимида коррупциянинг олдини олиш самарадорлигини ошириш чора-тадбирлари тўғрисида”ги Фармонига асосан “Ибратли судья” мукофоти жорий этилган.

2024 йил якуни бўйича Судьялар олий кенгаши томонидан одил судловни амалга оширишда юқори рейтинг кўрсаткичга эга бўлган 18 нафар судья “Ибратли судья” мукофотига лойиқ кўрилди.

Бугун Судьялар олий кенгаши томонидан видеоконференцалоқа тарзида ўтказилган тақдирлаш маросимида “Ибратли судья” мукофоти ўз эгаларига тантанали тарзда топширилди.

Мазкур юксак мукофот билан тақдирланганлар орасида фуқаролик ишлари бўйича Жиззах туманлараро суди раиси Шеҳроз Омоновнинг ҳам борлиги барча ҳамкасблари, қолаверса устозларига шарафли ҳамда фахрли саналади.

Тадбир сўнггида, Кенгаш раиси Холмўмин Ёдгоров тақдирланганларни қутлаб, яна бир қатор йўналишлар бўйича барча судьяларга шу каби шарафли мақом насиб этишини таъкидлаб ўтди.

Шунингдек, тақдирлаш маросимида вилоят суди раиси ҳамда судьялар Шеҳроз Тураевични юксак мукофот билан муборакбод этиб, келгуси фаолиятларида улкан муваффақиятлар тилашди.

Жиззах вилояти судлари томонидан вилоят суди биносида оммавий ахборот воситалари вакиллари ва блогерлар учун матбуот анжумани ҳамда очиқ эшиклар куни ташкил этилди

Тадбирда дастлаб вилоят суди томонидан тайёрланган вилоят суди ҳамда вилоят маъмурий судининг тузилиши ва фаолияти ёритилган видеоролик намойиш этилди. Шундан сўнг, Жиззах вилоят суди раиси Акрам Шукуров томонидан суд тизимидаги амалга оширилаётган ислоҳотлар ҳамда 2024 йил давомида вилоят суди томонидан амалга оширилган ишлар ҳақида йиғилганларга тушунтириб ўтди. Шунингдек, вилоят суди раиси Жиззах вилояти судлари тарихига бағишлаб ёзилган “Жиззах вилоят судлари: тарих, тараққиёт, бугун” номли китобининг яратилиш тарихи ҳамда унинг мазмун-моҳияти ҳақида қисқача тўхталиб ўтди.

Шундан сўнг, Жиззах вилоят маъмурий суди раиси Сарварбек Рахмонов томонидан 2024 йил давомида маъмурий судлар томонидан кўрилган ишларнинг 216 тасини ер билан боғлиқ ишлар ташкил қилиб, ушбу ишларнинг 109 таси қаноатлантирилганлиги, 87 таси рад этилганлиги, 4 таси иш юритишдан тугатилиб, 16 таси кўрмасдан қолдирилганлиги ҳамда ушбу ишлар бўйича йўл қўйилган хато ва камчиликлар юзасидан вилоят, туман, шаҳар ҳокимликларига нисбатан 105 та хусусий ажримлар чиқарилиб, муҳокама қилиш ва тегишли чоралар белгилаш учун юборилганлиги таъкидланди

Жиззах вилоят судининг жиноят ишлари бўйича судлов ҳайъати раиси Раҳматилла Орзиқулов 2024 йил давомида вилоят судлари томонидан 18 шахсга нисбатан оқлов ҳукмлари чиқарилганлиги ҳамда жиноят ишлари бўйича туман ва шаҳар судлари томонидан 30 нафар шахс шартли ҳукм қилинганлиги, 58 нафар шахсга жазо тайинланмасдан ҳукм чиқарилганлиги, 213 нафар шахс суд залида қамоқдан озод қилинганлиги, 1616 нафар шахсга озодликдан маҳрум қилиш билан боғлиқ бўлмаган жазолар тайинланганлиги баён қилди.

Жиззах вилоят судининг иқтисодий ишлар бўйича судлов ҳайъати раиси Жамол Қаххоров томонидан 2024 йил давомида суд мажлисларининг тарбиявий ва профилактик аҳамиятини ошириш, томонларга суд процессида қатнашиб, ҳуқуқ ва манфаатларини ҳимоя қилишлари учун қулайлик яратиш мақсадида кўрилган ишларнинг 4 610 таси сайёр суд мажлисларида ҳал этилганлиги айтиб ўтилди.

Жиззах вилоят судининг фуқаролик ишлари бўйича судлов ҳайъати раиси Нодиржон Расулов томонидан 2024 йил давомида кўрилган никоҳдан ажратиш ҳақидаги ишлар умумлаштирилиб, қизил тоифага киритилган маҳаллаларда хотин-қизларнинг ҳуқуқ-манфаатларини ҳимоя қилиш, оилаларни мустаҳкамлаш, оилавий низолар ҳамда никоҳдан ажрашиш ҳолатларини олдини олиш юзасидан тегишли тадбирлар амалга оширилганлиги таъкидланди

Тадбир иштирокчилари ўзларини қизиқтирган барча саволларига атрофлича жавоб олишди.

Шундан сўнг, медиа вакиллари вилоят суди бўлимларининг фаолияти ҳамда суд заллари билан таништирилди.

Жиззахда вилоят суди ҳамда Марказий банкнинг вилоят бош бошқармаси томонидан кредит низолари бўйича семинар ташкил этилди

Видеоконференция шаклида ўтказилган тадбирда вилоят суди судьялари,туманлараро ва туман судлари раислари, судьялари ҳамда вилоят ҳудудида фаолият юритувчи банкларнинг масъул вакиллари офлайн ва онлайн тарзда иштирок этди.

Тадбир давомида бугунги кунда судларда кредит низолари билан боғлиқ муаммоли ишлар борган сари кўпайиб бораётганлиги, шу тоифадаги ишларни кўришда юзага келаётган муаммо ва камчиликларга ечим топиш ва уларни бартараф этиш масалалари атрофлича муҳокама қилинди. 
Жиззах вилоят суди ҳамда марказий банкнинг вилоят бош бошқармаси ҳамкорлигида ўтказилган мазкур тадбирда вилоятда фаолият юритувчи банк бошқарувчилари ва юристларига атрофлича ҳуқуқий маслаҳат ва тушунчалар берилди. 

Семинар давомида банклар томонидан судга бериладиган кредит билан боғлиқ даъво аризалар сифатли бўлиши, унга илова қилинадиган ҳужжатлар, далиллар, гаров мулклари ҳақида маълумотлар, кредит қарздорлиги ва тўловлар кечиктирилганлиги ҳақида асослантирилган ҳужжатлар тақдим этилиши лозимлиги алоҳида таъкидланди.

Бироқ банклар томонидан кредит қарздорликларини ундириш ҳақидаги даъво аризалари ваколатсиз шахслар томонидан берилганда қайтарилганлиги, шу сабабли мазкур тоифадаги аризалар тақдим этилганда процессуал қонун талабларига риоя этиш кераклиги алоҳида қайд этиб ўтилди.

Семинар якунида иштирокчилар берган саволларга мутахассислар томонидан батафсил жавоблар берилди ва кредит қарздорликлари борасида дуч келинаётган тизимли муаммолар ҳамда уларни бартараф этиш юзасидан аниқ таклиф ва мулоҳазалар билдирилди.

Жиззах вилоят суди иқтисодий ишлар бўйича судлов ҳайъати томонидан Жиззах вилоят солиқ бошқармаси, Ўзбекистон Республикаси Давлат активларини бошқариш агентлиги Жиззах вилоят ҳудудий бошқармаси билан ҳамкорликда семинар ташкил этилди

Жиззах вилоят суди раиси ўринбосари Ж.Қаххоров томонидан семинарда тўловга қобилиятсизлик (банкротлик) тўғрисидаги ишларни тўлиқ хатловдан ўтказилиб, тугатиш ишлари бир йилдан ошган ёки узоқ муддат давом этаётган банкротлик ишларини таҳлилига кўра, 2024 йил 1 декабрь ҳолатига биринчи инстанция туманлараро судлари иш юритувида жами 295  та банкротлик ишлари мавжуд бўлиб, шундан тугатиш муддати 3 ойдан ошганлари 40 та (13,6%), 6 ойдан ошганлари 79 та (26,8%), 9 ойдан ошгани 49 тани (16,6%) ва бир йилдан ошгани эса 87 тани (29,5%) ташкил қилиши, тугатиш муддати бир йилдан ошган банкротлик ишлари Жиззах
туманлараро иқтисодий судида 32 та, Ғаллаорол туманлараро иқтисодий судида 13 та, Зомин туманлараро иқтисодий судида 15 та, Дўстлик туманлараро иқтисодий судида 25 та, Фориш туман иқтисодий судида 2 та  ташкил қилиши айтиб ўтилиб, ҳар битта банкротлик ишлари муҳокама қилинди.

Банкротлик ишлари ўрганилганда, банкротлик иши қўзғатилгандан сўнг кузатув таомили бўйича тегишли ҳужжатлар тақдим этмаслик, тугатиш жараёнида эса суд бошқарувчиси томонидан ҳар ойлик ҳисоботларни тақдим этмаслик ёки бир хил мазмундаги ҳисоботларни такроран тақдим этиш, корхонанинг молиявий аҳволини таҳлил қилиш, қарздорнинг дебитор ва кредиторлик қарзлари, мол-мулкини аниқлаш чорасини кўриш билан боғлиқ ҳужжатлар, шунингдек сохта банкротлик, қасддан банкротликка олиб келиш ва банкротликни яшириш ҳолати юзасидан ҳулосалар тақдим этилмаганлиги, тугатиш жараёни устидан доимий мониторинг олиб борилмаганлиги таъкидланди.

Сўзга чиққан суд бошқарувчилари ўз маърузаларида тўловга қобилиятсизлик (банкротлик) тўғрисидаги ишларни тугатиш ишлари бир йилдан ошган ёки узоқ муддат давом этаётганлиги сабабларига тўҳталиб,          сохта тўловга қобилиятсизлик, тўловга қобилиятсизликни яшириш ёки қасддан тўловга қобилиятсизликка олиб келиш аломатларини аниқлашга доир маълумотларни олишда қийинчиликлар бўлаётганлиги, тугатилаётган корхоналарни якуний текшириш учун солиқ бошқармаси томонидан рухсат олиш мураккаб бўлаётганлиги, мажбурий ижро бюро ҳудудий бўлимларида қарздорни дебитор қарзларини ундиришда ижро варақаларни ижроси бюро органлари томонидан ўз вақтида ижроси таъминланмаётганлиги, электрон онлайн-аукцион шаклидаги кимошди савдосида молк-мулклар сотилмаётганлиги ва қайта сотувга чиқарилаётганлиги боис банкротлик ишларини тугатиш бир  йилдан ошиб кетаётганлиги, қарздорнинг раҳбарини топиш ва ҳужжатларни қабул қилишда муаммоларга дуч келаётганлиги айтиб ўтилди.

Ўтказилган семинарда узоқ муддат давом этаётган банкротлик ишларини ижроси тўлиқ муҳокама қилиниб, камчиликларни бартараф этиш бўйича зарур чоралар белгилаб олинди.

Ўзбекистон Республикаси Олий судида Бош қомусимиз қабул қилинганлигининг 32 йиллигига бағишланган байрам тадбири ўтказилди

“Конституция – эркин ва фаровон ҳаёт гарови!” шиори остида ташкил этилган тадбирда видеоконференцалоқа режимида Қорақалпоғистон Республикаси ва вилоятлар, туманлараро, туман (шаҳар) судлари судьялари ҳамда ходимлари иштирок этишди.

 

Олий суд раиси Бахтиёр Исломов тадбирни кириш сўзи билан очиб, янги таҳрирдаги Конституция мамлакатимиз тараққиёти, жамиятнинг ривожи ҳамда инсон ҳуқуқ ва эркинликларини ҳимоя қилиш, қонунийлик ва суд ҳокимиятининг чинакам мустақиллигини таъминлашда муҳим ўрин тутишини таъкидлади.

 

Шунингдек, тантанали тадбирда Ўзбекистон Республикаси Олий суди тарихига бағишланган янги чоп этилган “Ўзбекистон Олий суди” тарихий китобининг тақдимоти бўлиб ўтди.

Ўзбекистон Республикаси Конституцияси куни байрами муносабати билан кўп йиллик самарали меҳнати, фидойилиги ҳамда алоҳида хизматлари билан жамоада обрў-эътибор қозонган Ўзбекистон Республикаси Олий суди тизимида фаолият юритувчи судя ва суд аппарати ходимларининг бир гуруҳи рағбатлантирилди. Хусусан, Жиззах вилоят суди раисининг ўринбосари – иқтисодий ишлар бўйича судлов ҳайъати раиси Жамол Қаххоров эсдалик қўл соати билан тақдирланди. Мукофотни Жиззах вилояти судининг раиси Акрам Шукуров топширди.

Тақдирлаш маросими Жиззах вилояти суди томонидан Ўзбекистон Республикаси Конституцияси қабул қилинган кун муносабати билан ташкил этилган тадбирга уланиб кетди. Вилоят суди раиси Акрам Шукуров Ўзбекистон Республикаси Конституцияси Ватанимиз мустақиллиги, халқимизнинг тинч-осойишта ҳаёти, фуқароларимизнинг ҳуқуқ ва эркинликлари ҳамда манфаатларининг мустаҳкам кафолати эканлигини айтиб, барчани Бош қомусимиз қабул қилинган кун билан табриклади.

 

Шундан сўнг, вилоят суди раиси Акрам Шукуров Жиззах вилояти судлари тарихига бағишлаб ёзилган “Жиззах вилоят судлари: тарих, тараққиёт, бугун” номли китобининг яратилиш тарихи ҳамда унинг мазмун-моҳияти ҳақида тўхталиб ўтди.

Тадбирда вилоят суди раисининг фамойишига асосан вилояти судлари тизимида фаолият юритиб келаётган, 2024 йил давомида энг юқори сифат ва рейтинг кўрсаткичларига эга судялар, соҳалар бўйича энг намунали суд ходимлари, шунингдек узоқ йиллардан буён суд соҳасида самарали меҳнат қилиб келаётган ходимлар ҳамда уларнинг ота-оналари вилоят суди ҳамда вилоят суди касаба уюшмаси қўмитаси томонидан ташаккурнома, фахрий ёрлиқ ҳамда эсдалик совғалари билан тақдирландилар.

 

Бундан ташқари, Ўзбекистон Республикаси Конституцияси қабул қилинганлигининг 32 йиллиги байрами муносабати билан “Менинг Конституциям ва давлат тилим” мавзусида ўтказилган диктант ёзиш танлови бўйича мусобақа ғолибларига вилоят суди раисининг диплом ва эсдалик совғалари топширилди.

Фуқаролик ишлари бўйича Дўстлик туманлараро суди томонидан Дўстлик туман ихтисослаштирилган мактабида «Конституция – бахтимиз қомуси» мавзусида ёшларимизнинг ҳуқуқий билимларини ошириш юзасидан давра суҳбати ўтказилди

So‘nggi yillarda «Yangi O‘zbekiston — yangi sud» tamoyili doirasida aholining odil sudlovga erishish imkoniyatlarini yanada kengaytirish hamda «Inson qadri uchun» g‘oyasi asosida joylarga chiqqan holda aholining ayniqsa yoshlarimizning huquqiy muommolarini o‘rganish va ushbu muommolarni joyida yechish, shuningdek ularning huquqiy madaniyatini oshirish borasida sudlar tomonidan salmoqli ishlar olib borilayotganligini alohida e’tirof etmog‘ligimiz lozim.

Jumladan, joriy yilning 06-dekabr kuni fuqarolik ishlari bo‘yicha Do‘stlik tumanlararo sudi tomonidan Do‘stlik tuman ixtisoslashtirilgan maktabida yoshlarning O‘zbekiston Respublikasi Konstitutsiyasi va sud tizimi haqidagi bilimlarini oshirish yuzasidan hamda yoshlarimizni har tomonlama qo‘llab-quvvatlash, ularning huquq va qonuniy manfaatlarini himoya qilish, mamlakatimiz istiqboli uchun mas’uliyatni o‘z zimmasiga olishga qodir, tashabbuskor, shijoatli yoshlarni tarbiyalash borasida alohida tizim yaratilganligi haqida tushuntirishlar berildi.

Shuningdek, maktabning 11-sinf o‘quvchisi Xasanova Hulkaroyning “Konstitutsiya bilimdoni” Respublika ko‘rik tanlovida faxrli 2-o‘rinni olganligi munosabati bilan yoshlarimizni taqdirlash marosimi o‘tkazilib, faxriy yorliqlar topshirildi va ustozlarga minnaddorliklar bildirildi.

Zero, xalq bilan muloqot, ularning dardu tashvishi bilan yashash eng asosiy maqsad bo‘lib, uning ro‘yobi yurtimiz ravnaqiga, uning yanada gullab-yashnashiga, fuqarolarning tinch, osuda, farovon hayot kechirishlarini ta’minlashga xizmat qiladi.

Botir Inoyatov,
Fuqarolik ishlari bo‘yicha Do‘stlik tumanlararo sudining sudyasi

Жиззах вилоят суди фуқаролик ишлари бўйича судлов ҳайъати раиси ва судьялари ҳамда Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд-экспертиза маркази Жиззах вилоят бўлими экспертлари билан экспертиза тайинлашда ва ўтказишда юзага келаётган муоммолар тўғрисида давра суҳбати ўтказилди.

Давра суҳбатини вилоят суди раиси ўринбосари фуқаролик ишлари бўйича судлов ҳайъати раиси Н.Расулов очиб, Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд-экспертиза маркази Жиззах вилоят бўлими экспертларини таништирди ва кун тартибидаги масалалар юзасидан сўз юритди ҳамда юзага келаётган муоммолар тўғрисида тўхталиб ўтди.
Шундан сўнг, раислик қилувчи Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд-экспертиза маркази Жиззах вилоят бўлими экспертлари Б.Зулфуқоров ва А.Бобоёровларга сўз берди.
Б.Зулфуқоров ва А.Бобоёровлар сўзга чиқиб, экспертиза билан судлар ўртасида ўзаро ҳамкорликни мустаҳкамлаш ҳақида таъкидлаб, ҳозирги кунда Жиззах шаҳрида ҳам хатшунослик экспертиза очилганлигини маълум қилди.

Перейти к содержимому