Аҳоли ўртасида профилактик тадбирларни кучайтириш, фуқароларнинг ҳуқуқий маданиятини ошириш мақсадида Жиззах шаҳар “Сангзор” маҳалласида жиноят ишлари бўйича Жиззах шаҳар судининг тергов судьяси Ж. Тангматов ва Жиззах шаҳар ИИБ 2-сон ИИБ профилактика инспектори Б. Нурбоевлар томонидан очиқ мулоқот ўтказилди.
Тадбирда жиноят ишлари бўйича Жиззах шаҳар судининг тергов судьяси Ж.Тангматов томонидан жиноятчиликни олдин олиш, уларнинг келиб чиқиши сабабларини аниқлаш ҳамда жиноятчиликни бартараф этиш чораларини кўриш лозимлиги ҳақида сўз юритилди.
Тадбирда таъкидланганидек, мақсад ҳудудда жиноятчиликни олдини олишга қаратилган тадбирларни мунтазам равишда амалга ошириш, аҳолига ижтимоий хавфли қилмиш учун жавобгарлик муқаррарлигини етказишдир.
Шунингдек, судья томонидан Ўзбекистон Республикасининг 2025 йил 20 февралдаги “Давлат божи тўғрисида”ги Ўзбекистон Республикаси Қонунига қўшимча ва ўзгартиришлар киритиш ҳақида”ги ЎРҚ-1032-сонли Қонунининг мазмун-моҳияти тушунтирилди.
Тадбир якунида аҳолининг ҳуқуқий онгли ва ҳуқуқий маданиятини ошириш мақсадида маҳаллаларда сайёр суд мажлисларини ўтказиш ва жиноят иши юзасидан чиқарилган хусусий ажримлар муҳокамаси вақти тўғрисида ишни кўриб чиққан судьяни хабардор қилиш борасида келишиб олинди.