Қонун ва суд олдидаги

Қонун ва суд олдидаги
тенглик

Ўзбекистон Республикасининг барча фуқаролари жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, қонун ва суд олдида тенгдир. Корхоналар, муассасалар ва ташкилотлар ҳам қонун ва суд олдида тенгдир.

Суд ҳужжатларининг

Суд ҳужжатларининг
мажбурийлиги

Суд ҳужжатлари барча давлат органлари, жамоат бирлашмалари, корхоналар, муассасалар ва ташкилотлар, мансабдор шахслар, фуқаролар учун мажбурийдир ҳамда Ўзбекистон Республикасининг бутун ҳудудида ижро этилиши шарт.

Суд ҳокимиятининг

Суд ҳокимиятининг
мустақиллиги

Судьялар мустақилдирлар, фақат қонунга бўйсунадилар. Судьяларнинг одил судловни амалга ошириш борасидаги фаолиятига бирон-бир тарзда аралашишга йўл қўйилмайди ва бундай аралашув қонунга мувофиқ жавобгарликка сабаб бўлади. Ўзбекистон Республикасида суд ҳокимияти қонун чиқарувчи ва ижро этувчи ҳокимиятлардан, сиёсий партиялардан, бошқа жамоат бирлашмаларидан мустақил ҳолда иш юритади.

Электрон почта манзил:

j.jizzah@sud.uz

Фуқаролар қабулхонаси:

+998 (55) 152-05-70 (25012)

Манзил:

Жиззах вилояти, Жиззах шаҳри, 130000, Сайлжойи кўчаси 63-уй

Интерактив хизматлар

Статистик маълумотлар

Статистик маълумотлар

Ўзбекистон Республикаси Олий Судининг республика судлари фаолиятига доир статистик маълумотлар базаси

Ўтиш
Cуд қарорлари тўплами

Cуд қарорлари тўплами

Судлар бўйича барча якуний суд қарорларини тўлиқ ёки шахссизлантирилган матнда ушбу ҳавола орқали билиб олинг.

Ўтиш
Давлат божи калькулятори

Давлат божи калькулятори

Бу хизмат тури судларга мурожаат қилишда тўланиши лозим бўлган давлат божи миқдорини аниқлашда яқиндан ёрдам беради.

Ўтиш
image
image
image
image
image
image

Электрон суд хизматлари

MY.SUD.UZ - суд хизматларидан фойдаланишнинг инновацион, ишончли ва қулай йўли

Мурожаат

Судга тўғридан - тўғри электрон шаклда мурожаат йўллаш.

Электрон тўлов тизими

Барча судларда фуқаролар томонидан амалга ошириладиган барча тўловларни тўлашнинг ягона электрон тизими.

Видеоконференц алоқа

Масофадан туриб суд мажлисида иштрок етиш

Мажлислар жадвали

Суд мажлислари жадвали билан танишиш – судларда ишларни суд мажлисида кўриб чиқишга тайинланган санаси ва вақти ҳақида онлайн тарзда хабардор бўлиб бориш имконини беради.

Давлат божи калькулятори

Бу хизмат тури судларга мурожаат қилишда тўланиши лозим бўлган давлат божи миқдорини аниқлашда яқиндан ёрдам беради.

Мурожаат намуналари

Фуқаролар судларга мурожаат қилишда ҳужжатларнинг тайёр намуналаридан мутлақо бепул фойдаланиш имконияти

image

MY.SUD.UZ

Ўзбекистон Республикаси Олий судининг интерактив хизматлари портали

ўтиш

Сўнгги янгиликлар

4Mar Янгиликлар

Жиззах вилояти судлари томонидан Зомин туманида сайёр қабул ташкил этилди.

Тумандаги Ёшлар маркази биносида бўлиб ўтган мазкур қабулда вилоят судлари мутасаддилари, шунингдек, ҳуқуқни муҳофаза қилувчи органлар раҳбарлари иштирок этишди. Қабул жараёнида фуқароларнинг турли йўналишлардаги мурожаатлари тингланиб, ҳар бир масала атрофлича ўрганилди.

Сайёр қабул давомида жами 7 нафар фуқаронинг мурожаати кўриб чиқилди. Жумладан, 4 та мурожаат фуқаролик ишларига, 2 та мурожаат жиноят ишларига ҳамда 1 та мурожаат маъмурий суд ишларига оид бўлди.

Ҳар бир мурожаат юзасидан фуқаролар бевосита масъуллар томонидан қабул қилиниб, амалдаги қонунчилик талаблари асосида ҳуқуқий тушунтиришлар берилди. Айрим масалалар жойида ҳал этилди.

Қабул якунларига кўра, 6 та мурожаат бўйича ҳуқуқий тушунтиришлар берилиб, фуқароларнинг муаммоларига ечим топилди. Шунингдек, фарзанди учун алимент ундириш юзасидан қилинган мурожаат бўйича суд буйруғи чиқарилиб, фуқаронинг мурожаати ижобий ҳал этилди ва унинг қонуний ҳуқуқлари таъминланди.

Қайд этиш жоизки, бундай сайёр қабуллар аҳолининг суд-ҳуқуқ масалалари бўйича мурожаатларини тезкор кўриб чиқиш, ортиқча оворагарчиликларнинг олдини олиш, шунингдек, суд тизими фаолиятининг очиқлиги ва шаффофлигини таъминлашга хизмат қилади. Энг муҳими, бу каби сайёр қабуллар фуқароларнинг суд тизимига бўлган ишончини мустаҳкамлашда муҳим омил бўлиб хизмат қилмоқда.

2Mar Янгиликлар

Жиззах вилоят судларида “Китоб ўқиш соати” тадбири ўтказилди

Жиззах вилоят судлари биносида вилоят суди ҳамда вилоят маъмурий суди судьялари ва суд аппарати ходимлари иштирокида “Китоб ўқиш соати” тадбири ташкил этилди.

Мазкур тадбир Ўзбекистон Республикаси Олий суди раисининг 2026 йил 30 январдаги “Судья ва суд аппарати ходимлари ўртасида китобхонлик маданиятини ривожлантириш ва китоб ўқишга қизиқишини ошириш чора-тадбирлари тўғрисида”ги Фармойиши ижросини таъминлаш мақсадида ўтказилди.

Фармойишга мувофиқ, ҳар ойнинг охирги жума куни соат 17:00 дан 18:00 га қадар суд тизими ходимлари учун “Китоб ўқиш соати” жорий этилган. Ушбу ташаббус судьялар ва суд аппарати ходимларининг маънавий ва маърифий салоҳиятини ошириш, уларнинг ҳуқуқий онги, фикрлаш кўникмалари ҳамда касбий тафаккурини янада юксалтиришга қаратилган.

Тадбир давомида иштирокчилар томонидан бадиий, илмий ва оммабоп адабиётлар мутолаа қилинди. Шунингдек, ўқилган асарлар бўйича фикр алмашинув ва мулоқотлар олиб борилди, бу эса ходимлар ўртасида китобхонлик маданиятини мустаҳкамлаш ва ҳуқуқий маърифий муҳитни ривожлантиришга хизмат қилади.

Суд тизимида “Китоб ўқиш соати”нинг мунтазам ташкил этилиши ходимлар ҳаётида илмий ва маънавий руҳни юксалтириш учун қўшимча имконият яратишга ёрдам беради.

26Fev Янгиликлар

Китоб – инсон маънавияти кўзгуси

Жиззах вилояти судларида маънавий-маърифий ишлар ва китобхонлик маданиятини кенг тарғиб этишга алоҳида эътибор қаратилмоқда. Китоб инсоннинг тафаккури, дунёқараши ва маънавий камолотини юксалтирувчи беқиёс манба ҳисобланади.

Жиззах вилояти судлари биносида ташкил этилган “Китоб бурчаги” ана шундай эзгу ташаббусларнинг амалий кўриниши сифатида намоён бўлмоқда. Ушбу бурчак судьялар ва суд аппарати ходимларининг интеллектуал салоҳиятини ошириш, бўш вақтини мазмунли ташкил этиш ва маънавий ривожланишга хизмат қилади.

Суд тизимида иш ҳажми катта ва масъулият ниҳоятда юқори бўлишига қарамасдан, Жиззах вилояти судларидаги “Китоб бурчаги” суд ходимлари учун маънавий дам олиш ва билим олиш манбаи вазифасини бажаради. Бурчакда сиёсий-ҳуқуқий адабиётлар, жаҳон ва ўзбек адабиётининг сара намуналари жамланган.

Жиззах вилоятидаги барча судларда “Китоб бурчаги”ни ташкил этилган бўлиб, китобхонлик танловларини ўтказиш амалиёти йўлга қўйилган.

Жиззах вилояти судлари мисолида яратилган ушбу маънавий муҳит суд ходимларининг ҳуқуқий онги ва тафаккурини юксалтириб, иш самарадорлигига ижобий таъсир кўрсатади. Ушбу ташаббуслар суд тизимида маънавий муҳитни янада мустаҳкамлаш ва ҳуқуқий билимларни чуқурлаштиришда муҳим аҳамиятга эга.

9Fev Янгиликлар

Зомин тумани, “Боғишамол” маҳалла фуқаролар йиғинида Жиззах туманлараро иқтисодий суди судьяси Х. Мадатов томонидан маҳаллада яшовчи фуқаролар ва тадбиркорлар иштирокида давра суҳбати ўтказди

Унда асосан корпоратив низоларни иқтисодий судларда кўрилишининг хусусиятлари ва аҳамияти, шунингдек, коррупцияга қарши курашиш чоралари ва уларни таъминловчи имкониятлар муҳокама қилинди.

Давра суҳбатида тадбиркорлик фаолиятининг ҳуқуқий кафолатлари ва корпоратив ҳуқуқнинг аҳамиятига алоҳида эътибор қаратилди, чунки бу соҳадаги ислоҳотлар тадбиркорлик муҳитини ривожлантиришда муҳим аҳамиятга эга. Шунингдек, фойда олиш мақсадида ташкил этилган юридик шахслар – корпорациялар ва уларнинг ҳуқуқий асослари ҳам муҳокама қилинди. Айниқса, Ўзбекистон Республикаси Президентининг 2022 йил 8 ноябрдаги “Корпоратив муносабатларнинг ҳуқуқий асосларини янада такомиллаштириш чора-тадбирлари тўғрисида”ги 415-сонли қарори корпоратив муносабатларни янада такомиллаштиришда асосий норматив ҳужжат сифатида қайд этилди.

Бундан ташқари, давра суҳбатида коррупцияга қарши курашиш соҳасидаги миллий ва ҳудудий ислоҳотлар, жумладан Ўзбекистон Республикаси Президентининг 2025 йил 21 апрелдаги “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида”ги ПФ-71-сонли Фармони доирасида амалга оширилаётган чора-тадбирлар ҳақида ҳам маълумот берилди. Маърузачи давлат органлари ва маҳалла ҳамкорлиги, шунингдек, фуқароларнинг ташаббускорлиги коррупцияга қарши самарали курашишда ҳал қилувчи омил эканини таъкидлади.

Шунингдек, тадбир якунида иштирокчиларнинг саволларига батафсил жавоб берилиб, муаммоларни ҳал қилишда барчамизнинг масъулият ва фаоллигимиз муҳимлиги алоҳида таъкидланди. Бу эса давлат ва жамият ҳамкорлигини кучайтиришда муҳим аҳамият касб этади.

Жиззах туманлараро иқтисодий суди судьяси Х.Мадатов

23Yan Янгиликлар

Никоҳдан ажратишга оид низоларнинг судларда кўрилиши ва уларни олдини олиш масалалари

Оилани муқаддас маскан сифатида эъзозлаш, оилада тинчлик, осойишталик ва фаровон муҳитни таъминлаш халқимизга азалдан хос фазилатлардан ҳисобланади. Оила ва оилавий қадриятлар бир-бири билан чамбарчас боғлиқ бўлиб, уларсиз маънони йўқотади. Анъанавий оилавий қадриятлар ғамхўрлик ва севгига асосланади. Азалдан оила муқаддас даргоҳ, никоҳ эса бузилмас ришта сифатида қадрланади. Мустаҳкам, тинч, ҳалол ва пок оила жамиятнинг осойишталик ва фаровонлигига асос бўлади.

Ҳаёт жараёни мураккаб бўлиб, унда турли ҳолатлар юзага келади. Гоҳи шодлик, гоҳида ғам билан боғлиқ ҳолларда эр ва хотин ўртасида келишмовчиликлар ҳам содир бўлиши мумкин. Кўп ҳолларда шошқалоқлик, жаҳл, қаноатсизлик, манманлик ёки кичик нуқсларни катта масала қилиб кўриш оилавий муносабатларга путур етказади.

Ўзбекистон Республикаси Оила кодексига кўра, никоҳдан ажратиш ишлари асосан суд тартибида, айрим ҳолатларда эса фуқаролик ҳолати далолатномаларини қайд этиш органларида амалга оширилади.

Агар эр-хотин никоҳдан ажратишга ўзаро рози бўлса ва уларнинг вояга етмаган болалари бўлмаса, улар никоҳдан фуқаролик ҳолати далолатномаларини қайд этиш органларида ажратилади.

Суд никоҳдан ажратишга оид ишларни Фуқаролик процессуал кодексида белгиланган тартибда кўриб чиқади. Суд қонуний ва асосли ҳал қилув қарорини қабул қилиш учун ишнинг ҳақиқий ҳолатларини тўлиқ ва холисона текшириши, эр-хотин ўртасидаги муносабатлар хусусияти ва келишмовчилик сабабларини аниқлаши шарт.

Оила кодексининг 40-моддасига мувофиқ, суд ишни кейинга қолдириб, эр-хотинга ярашиш учун 3–6 ой муддат тайинлаш ҳуқуқига эга. Мазкур муддат давомида суд тарафларга ярашиш учун берилган муддат сабабли суд мажлисини қолдириш ҳақидаги ажрим нусхасини тегишли фуқаролар йиғинининг Оилавий қадриятларни мустаҳкамлаш комиссияси ва маҳаллий органларга юбориб, натижаси бўйича хулоса олинади.

Агар суд тарафларга ярашиш учун муддат берган ва мажлис қолдирилган бўлса, такроран даъво аризаси билан мурожаат қилинмайди. Дастлабки мурожаат учун талаб этиладиган ҳужжатлар, давлат божи ва нусхалар кейинга қолдирилади. Суд мажлиси белгиланган санада давом этади.

Даъвогарнинг талаблари рад этилган бўлса ва оила тикланмаса, даъвогар олти ойдан кейин қайта мурожаат қилиш ҳуқуқига эга бўлади. Шу тартибда, ҳал қилув қарори қонуний кучга киргандан кейин такрорий мурожаат учун камида олти ой ўтиши керак.

Жамиятда барбод бўлган оилалар, айниқса, фарзандлар тақдирида оғир оқибатлар келтириши мумкин. Ота-онанинг ажралишидан мурғак қалб эгалари энг кўп азият чекади ва маънан етук бўлмаган шахс ҳаётда ўз ўрнини топишда қийинчиликка дуч келади.

Дилбандининг бахтли ҳаёт кечириши учун ота-оналар келишмовчиликларни оғир-вазминлик ва чуқур мушоҳада билан ҳал қилиши, оила аъзоларининг бахтли турмушини таъминлаши муҳимдир. Оилавий ажралишлар нафақат собиқ эр-хотинларнинг, балки жамият ва давлат миқёсида ҳам салбий оқибатларга олиб келиши мумкин.

Оилаларнинг барбод бўлишига йўл қўймаслик, ажралиш сабабларини аниқлаш ва низоларни тинч йўл билан ҳал этиш учун тизимли чора-тадбирлар кўриш зарур. Никоҳга киришиш арафасидаги ёшларни оилавий ҳаётга тайёрлаш, уларда тақдир синовларига бардош берувчи кўникмаларни шакллантириш ҳам муҳимдир.

Маҳалла фуқаролар йиғини, Оила ва хотин-қизлар бўлимлари ҳамда ҳуқуқ соҳаси ходимлари эрлик масъулияти бажарилмаслигига сабаб бўладиган иллатларга қарши курашиши, хотинлардаги камчиликларни бартараф этиши зарур. Шу билан бирга, судлар эр-хотиннинг ярашиб олиши учун зарур чора-тадбирларни амалга оширади.

Хулоса қилиб айтганда, оилани асраб-авайлаш, унинг мустаҳкамлигини таъминлаш ва ажрашиш арафасидаги оилаларни яраштириш – энг эзгу ва зарур амаллардан ҳисобланади. Никоҳдан ажралишнинг олдини олиш ва эр-хотинни ўзаро муросага келтириш нафақат судлар, балки кенг жамоатчиликнинг ҳам фаол иштироки билан амалга оширилиши жамиятимиз ривожига ҳисса қўшади.

Фуқаролик ишлари бўйича Дўстлик туманлараро суди судьяси
Иноятов Ботир Рахматович

 

23Yan Янгиликлар

Зўравонликнинг олдини олиш – давлат ва жамиятнинг устувор вазифаси

Инсон ҳуқуқ ва эркинликларини, унинг шаъни ва қадр-қимматини ҳимоя қилиш Ўзбекистон Республикасининг Конституцияси ва қонунларида белгиланган устувор вазифалардан биридир. Зўравонликнинг ҳар қандай кўриниши жамият барқарорлигига салбий таъсир кўрсатади ва қонун билан тақиқланади.

Зўравонлик – бу шахсга нисбатан жисмоний куч ишлатиш, руҳий ёки психологик босим ўтказиш, таҳдид қилиш, ҳақоратлаш, мажбурлаш ёки иқтисодий жиҳатдан чеклаш орқали зарар етказишдир. У жисмоний, руҳий, психологик, иқтисодий ҳамда маънавий шаклларда намоён бўлиши мумкин.

Айниқса, оилавий-маиший муносабатлар доирасида содир этиладиган зўравонлик ҳолатлари жамиятнинг ижтимоий барқарорлигига салбий таъсир кўрсатади.

Ўзбекистон Республикасининг амалдаги қонунчилигида зўравонлик содир этган шахсларга нисбатан маъмурий ва жиноий жавобгарлик чоралари белгиланган. Жумладан:

Маъмурий жавобгарлик: Ўзбекистон Республикаси Маъмурий жавобгарлик тўғрисидаги кодексининг 592-моддасига асосан, хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки умумий фарзандга эга бўлган шахсга нисбатан ҳуқуқбузарлик содир этилганда базавий ҳисоблаш миқдорининг 10 бараваридан 20 бараваригача жарима солиш ёки 10 суткагача маъмурий қамоққа олиш мумкин.

Жиноий жавобгарлик: Ўзбекистон Республикаси Жиноят кодексининг 1261-моддасига мувофиқ, оилавий (маиший) зўравонлик учун жиноий жазо белгиланган. Бундай ҳаракатлар такроран содир этилганда ёки оғир оқибатларга олиб келганда айбдор шахсга нисбатан қонуний жазо чоралари қўлланади.

Мазкур нормалар зўравонликнинг олдини олиш, жабрланувчиларнинг ҳуқуқ ва қонуний манфаатларини ишончли ҳимоя қилишга қаратилган.

Зўравонликнинг олдини олишда давлат органлари, маҳаллий ҳокимият, ҳуқуқни муҳофаза қилувчи органлар ҳамда фуқаролик жамияти институтларининг ҳамкорлиги муҳим аҳамиятга эга. Аҳолининг ҳуқуқий онги ва маданиятини ошириш, тушунтириш ва тарғибот ишларини кучайтириш ҳам муҳим вазифалардан биридир.

Фуқаролар зўравонлик ҳолатларига бефарқ бўлмаслиги, бундай ҳолатларга гувоҳ бўлганда ваколатли органларга мурожаат қилиши қонун устуворлигини таъминлашга хизмат қилади.

Хулоса қилиб айтганда, зўравонлик жамият тараққиётига жиддий таҳдид солувчи иллат бўлиб, унга қарши кураш фақат давлат органларининг эмас, балки бутун жамиятнинг умумий вазифасидир. Қонунчиликни такомиллаштириш, ҳуқуқий онгни ошириш ва фуқароларнинг бефарқ бўлмаслиги орқали зўравонлик ҳолатларининг олдини олиш мумкин. Ҳар бир инсоннинг шаъни ва қадр-қиммати олий қадрият сифатида ҳимоя қилиниши шарт.

Замонали Мажидов,
Фуқаролик ишлари бўйича Дўстлик туманлараро судининг судьяси

 

image
Skip to content