БЕЗОРИЛИК ЖИНОЯТИ ТУШУНЧАСИ, УНИНГ СОДИР ЭТИЛИШИГА САБАБ БЎЛГАН ШАРТ-ШАРОИТЛАР, ОЛДИНИ ОЛИШ ЧОРАЛАРИ

Безорилик — жамоат тартибига қарши қаратилган жиноят бўлиб, жамиятда юриш-туриш қоидаларини қасддан менсимаслик билан намоён бўлади. Бундай ҳаракатлар шахсни урмоқ, уқаёққа енгил тан жароҳати етказиш ёки бошқаларнинг мулкига анча миқдорда зиён етказиш ҳамда уни анча миқдорда йўқ қилиш билан боғлиқ ҳолларда содир этилиши мумкин.

Безорилик жинояти билан маъмурий ҳуқуқбузарлик ҳисобланган майда безориликни фарқлаш зарур. Майда безорилик тушунчаси Ўзбекистон Республикаси Маъмурий жавобгарлик тўғрисидаги кодексининг 183-моддасида белгиланган бўлиб, унга кўра, ушбу ҳуқуқбузарлик жамоат жойларида ўятли сўзлар айтш, шундай сўзлар билан ҳақоратлаш, беҳаё қилиқлар кўрсатиш ёки одамларга нисбатан ҳақоратли муносабат кўрсатиш ҳамда жамоат тартиби ва фуқаролар осойишталигини бузиш каби ҳаракатларда намоён бўлади.

Агар безорилик ҳаракатларини тўхтатиш чорасини кўраётган шахсга қаршилик кўрсатиш пайтида қўлланилган зўрлик натижасида айбдор томонидан яна бошқа оғир жиноят содир этилса, бу ҳол безорилик жинояти таркиби билан қамраб олинмайди.

Мазкур турдаги жиноятни содир этган шахслар Ўзбекистон Республикаси Жиноят кодексининг 277-моддасига мувофиқ жиноий жавобгарликка тортилиши таъкидланади.

Жиноят ишлари бўйича
Зарафобод туман суди раиси
Ж. Салоҳиддинов