Давлат органларининг қарорлари ҳақиқий эмас ҳамда улар мансабдор шахсларининг хатти-ҳаракатлари ғайриқонуний деб топилганлиги тўғрисидаги

Жиззах вилоят маъмурий судларида 2023 йилда жами 646 та маъмурий ишлар кўриб тамомланган. Кўрилган маъмурий ишларнинг 316 таси ёки 48,9 %и қаноатлантирилган, 250 таси ёки 38,7 %и қаноатлантиришдан рад қилинган, 39 таси ёки 6 %и кўрмасдан қолдирилган ҳамда 41 таси ёки 6,4 %и иш юритишдан тугатилган.
Кўрилган маъмурий ишларнинг тоифалари таҳлил қилинганида қуйидагилар аниқланди.
Аризаларнинг 297 таси вилоят, туман (шаҳар) ҳокимларининг хатти-ҳаракатлари ва қарорларини ҳақиқий эмас деб топиш юзасидан бўлиб, ушбу ишларнинг 156 таси ёки 52,5 %и қаноатлантирилган (маҳаллий ҳокимликларнинг 156 та қарори ва хатти-ҳаракатлари ноқонунийлиги сабабли ҳақиқий эмас деб топилган), 105 таси ёки 35,4 %и қаноатлантиришдан рад қилинган, 19 таси ёки 6,4 %и кўрмасдан қолдирилган ҳамда 17 таси ёки 5,7 %и иш юритишдан тугатилган. Бу кўрилган ишлар бўйича айбдор маҳаллий ҳокимликларга нисбатан 139 та хусусий ажримлар чиқариш йўли билан муносабат билдирилган.
Маъмурий ишларнинг 113 таси бюджетдан ташқари пенсия жамғармаси ҳудудий бўлимларининг хатти-ҳаракатлари ва қарорлари юзасидан бўлиб, ушбу ишларнинг 94 таси ёки 83,2 %и қаноатлантирилган (БТПЖ ҳудудий бўлимларининг 94 та қарори ва хатти-ҳаракатлари ноқонунийлиги сабабли ҳақиқий эмас деб топилган), 14 таси ёки 12,4 %и қаноатлантиришдан рад қилинган, 3 таси ёки 2,6 %и кўрмасдан қолдирилган ҳамда 2 таси ёки 1,8 %и иш юритишдан тугатилган. БТПЖ ҳудудий бўлимларининг мансабдор шахслари томонидан ноқонуний чиқарилган қарорлари бўйича 92 та хусусий ажримлар чиқарилган.
Ишларнинг 82 таси кадастр органларининг қарорлари ва мансабдор шахсларнинг хатти-ҳаракатлари юзасидан бўлиб, буларнинг
19 таси ёки 23,2 %и қаноатлантирилган (кадастр органларининг 19 та қарори ва хатти-ҳаракатлари ноқонунийлиги сабабли ҳақиқий эмас деб топилган), 54 таси ёки 65,8 %и қаноатлантиришдан рад қилинган, 6 таси ёки 7,3 %и кўрмасдан қолдирилган ҳамда 3 таси ёки 3,7 %и иш юритишдан тугатилган. Кадастр органларининг мансабдор шахсларига нисбатан 15 маротаба хусусий ажримлар киритилган.
Солиқ органларининг хатти-ҳаракатлари ва қарорлари бўйича
59 та иш кўрилган бўлиб, уларнинг 20 таси ёки 33,9 %и қаноатлантирилган (солиқ органларининг 20 та қарори ва
хатти-ҳаракатлари ноқонунийлиги сабабли ҳақиқий эмас деб топилган), 30 таси ёки 50,8 %и қаноатлантиришдан рад қилинган, 4 таси ёки 6,8 %и кўрмасдан қолдирилган ҳамда 5 таси ёки 8,5 %и иш юритишдан тугатилган. Қарорлари ҳақиқий эмас деб топилган мансабдор шахсларга нисбатан 8 та хусусий ажримлар чиқарилган.
Мажбурий ижро бюроси ходимларининг хатти-ҳаракати ва қарорлари бўйича 42 та маъмурий ишлар кўрилган бўлиб, шундан 3 таси ёки 7,1 %и қаноатлантирилган (МИБнинг 3 та қарори ва
хатти-ҳаракатлари ноқонунийлиги сабабли ҳақиқий эмас деб топилган), 31 таси ёки 73,8 %и қаноатлантиришдан рад қилинган, 5 таси ёки 11,9 %и кўрмасдан қолдирилган ҳамда 3 таси ёки 7,2 %и иш юритишдан тугатилган. Ҳақиқий эмас деб топилган МИБ органларининг барчаси бўйича мансабдор шахсларга нисбатан 3 та хусусий ажрим чиқарилган.
Кўрилган ишларнинг 28 таси Адлия органлари ходимларининг хатти-ҳаракати ва қарорларини ташкил қилиб, 11 таси ёки 39,3 %и қаноатлантирилган (Адлия органларининг 11 та қарори ва
хатти-ҳаракатлари ноқонунийлиги сабабли ҳақиқий эмас деб топилган),
7 таси ёки 25 %и қаноатлантиришдан рад қилинган, 1 таси ёки 3,6 %и кўрмасдан қолдирилган ҳамда 9 таси ёки 32,1 %и иш юритишдан тугатилган. Ушбу ишлар доирасида адлия органлари бўлимларининг мансабдор шахсига нисбатан 1 та хусусий ажрим чиқарилган.
25 та кўрилган маъмурий ишлар бошқа давлат ташкилоти мансабдор шахсларининг хатти-ҳаракатлари ва қарорлари билан боғлиқ бўлиб, 13 таси ёки 52 %и қаноатлантирилган (бошқа давлат органларининг 13 та қарори ва хатти-ҳаракатлари ноқонунийлиги сабабли ҳақиқий эмас деб топилган), 9 таси ёки 36 %и қаноатлантиришдан рад қилинган, 1 таси ёки 4 %и кўрмасдан қолдирилган ҳамда 2 таси ёки 8 %и иш юритишдан тугатилган. Бошқа органларнинг 3 та мансабдор шахсига нисбатан хусусий ажримлар чиқарилган.
Ушбу даврда кўриб тамомланган ишларнинг 70 таси ёки 10,8 %и сайёр суд мажлисларида кўрилган.
Кўриб чиқилган жами аризаларнинг 256 таси тадбиркорлик субъектлари томонидан киритилган бўлиб, ушбу аризаларнинг 124 таси қаноатлантирилиб, ҳуқуқи бузилган тадбиркорларнинг ҳуқуқлари маъмурий суд томонидан тикланган. Бундан ташқари, аризаларнинг
322 тасини жисмоний шахслар киритган бўлиб, уларнинг 149 таси қаноатлантирилиб, фуқароларнинг бузилган ҳуқуқлари маъмурий суд томонидан тикланган.

Жиззах вилоят маъмурий суди