Жиззах вилоят судининг фуқаролик ишлари бўйича судлов ҳайъати томонидан чиқарилган тақдимнома “Ўзбекистон почтаси” АЖ Жиззах филиали ходимлари иштирокида муҳокама қилинди
Жорий йилнинг 5 март куни ўтказилган Коррупцияга қарши кураш бўйича Миллий кенгашнинг ҳисобот йиғилишида муҳтарам Президентимиз суд тизимида коррупциявий хавф-хатарларнинг олдини олиш, одил судлов сифати ва самарадорлигини оширишда судлар томонидан чиқарилган тақдимнома, хусусий ажримларнинг таъсирчанлигини ошириш ҳақида таъкидлаб ўтдилар.
Шу муносабат билан, бугун “Ўзбекистон почтаси” АЖ Жиззах филиали ходимлари иштирокида Жиззах вилоят судининг фуқаролик ишлари бўйича судлов ҳайъати томонидан чиқарилган тақдимноманинг муҳокамаси ўтказилди. Унда судлар томонидан юборилаётган ёзма хат-хабарларни манзилларга белгиланган муддатларда етказиш ҳамда хат-хабарларни олинганлиги тўғрисидаги маълумотларни судларга белгиланган муддатларда қайтарилишини таъминлаш самарадорлигини ошириш ва бу борада зарур чора-тадбирларни белгилаш масалалари муҳокама қилинди.
Муҳокама якунида келгусида тақдимномада қайд этилган хато ва камчиликлар юзасидан шаҳар, туман почта бўлимлари томонидан юбориладиган почта жўнатмаларини ўз вақтида етказиб бериш чораларини кўриш, хато ва камчиликларга йўл қўймаслик юзасидан аниқ чоралар белгилаб олинди.
