Жиззах вилоят судининг фуқаролик ишлари бўйича судлов ҳайъати томонидан Ўзбекистон Республикаси Миллий гвардияси Жиззах вилояти қўриқлаш бошқармаси биносида хусусий ажрим муҳокамаси ўтказилди
Муҳтарам Президентимиз раислигида жорий йилнинг 5 март куни ўтказилган Коррупцияга қарши кураш бўйича Миллий кенгашнинг ҳисобот йиғилишида суд тизимида коррупциявий хавф-хатарларнинг олдини олиш, одил судлов сифати ва самарадорлигини оширишда судлар томонидан чиқарилган тақдимнома, хусусий ажримларнинг таъсирчанлигини ошириш ҳақида таъкидлаб ўтдилар.
Жиззах вилоят суди раиси ўринбосари Нодиржон Расулов хусусий ажримда келтирилган камчиликларга тўхталиб, даъвогар У.А нинг жавобгар Ўзбекистон Республикаси Миллий гвардияси Жиззах вилояти қўриқлаш бошқармасига нисбатан меҳнат дафтарчаси ёзувига ўзгартириш киритиш ҳақидаги 2-1301-2406/9142-сонли фуқаролик иши юзасидан иш берувчи томонидан меҳнат қонунчилиги бузилиш ҳолатлари аниқланганлиги сабабли судлов ҳайъати хусусий ажрим чиқариш ҳақида хулосага келганлигини баён қилиб, келгусида иш берувчи ва ходим ўртасида меҳнат шартномалари ва меҳнат дафтарчаларини тўғри расмийлаштиришни йўлга қўйиш лозимлигини таъкидлади.
Шунингдек, тадбирда Ўзбекистон Республикасининг янги таҳрирда қабул қилинган Меҳнат кодексидаги нормалар, кодекснинг 333-моддасида белгиланган ходимга иш ҳақи тўлашни ва унга тўланиши лозим бўлган бошқа тўловларни кечиктирганлик учун иш берувчининг моддий жавобгарлиги, иш берувчиларнинг иш ҳақини ўз вақтида тўлаши масъулиятини ошириши ҳақида сўз юритилди.
Тадбир якунида келгусида хусусий ажримда қайд этилган хато ва камчиликларга йўл қўймаслик юзасидан аниқ чоралар белгилаб олинди ҳамда ходимлар қонунчиликдаги ўзгаришлар бўйича ўзларини қизиқтирган саволларга атрофлича жавоб олдилар.