КОРРУПЦИОН ҲОЛАТЛАРГА МУРОСАСИЗЛИК
Демократик тамойилларга асосланган давлатнинг энг асосий хусусиятларидан бири – бу энг асосий мақсад инсон ҳуқуқларини ҳимоя қилиш, фуқароларга бўлган эътибор ва мустақил ҳамда соғлом жамият барпо этиш ҳисобланади.
Аммо шундай иллатлар борки, юқорида санаб ўтилганлардан инсон ҳуқуқларини поймол қилиши мумкин, соғлом жамиятга зарар етказиши мумкин. Ушбу иллат – Коррупция ҳисобланади.
Мамлакатда ҳозирги кунда коррупцияга қарши курашиш, коррупцион ҳолатларга муросасиз бўлиш борасида бир қатор самарали ишлар амалга оширилиб келинмоқда.
Шунга кўра судлар фаолиятида ҳам аҳолини коррупцион ҳолатларга тоқатсизлигини шакллантириш, унга қарши курашиш ва бу борада тегишли давлат органларига хабар бериш кўникмаларини ҳосил қилиш мақсадида Зомин туманлараро иқтисодий суди раиси Х.Мадатов томонидан Зарбдор туман ҳудудида жойлашган Адиробод маҳалла фуқаролар йиғини биносида маҳалла фуқаролари ва фаоллар иштирокида Биз коррупцияга қаршимиз, коррупция салбий иллат мавзуларида ҳуқуқий тушунтиришлар бериш мақсадида давра суҳбати ташкил этилди.
Шунингдек, мазкур тадбир давомида суд раиси томонидан йиғилиш иштирокчиларига Ўзбекистон Республикаси Президентининг 2021 йил 5 июлдаги “Виждон эркинлиги ва диний ташкилотлар тўғрисида”ги ЎРҚ-699-сонли Қонунининг мазмун-моҳияти юзасидан тушунтиришлар берилди.
Хусусан, Виждон эркинлиги ва диний ташкилотлар тўғрисидаги қонунчилик Ўзбекистон Республикасининг Конституцияси, ушбу Қонун ва бошқа қонунчилик ҳужжатларидан иборат эканлиги, агар Ўзбекистон Республикасининг халқаро шартномасида Ўзбекистон Республикасининг виждон эркинлиги ва диний ташкилотлар тўғрисидаги қонунчилигида назарда тутилганидан бошқача қоидалар белгиланган бўлса, халқаро шартнома қоидалари қўлланилиши ҳақида таъкидлаб ўтди.
Мазкур қонунга кўра диний таълим муассасаси — муайян конфессияга мансуб бўлган, диний ташкилотларнинг профессионал хизматчиларини ва улар учун зарур бўлган диний ходимларни тайёрлаш учун диний ташкилотларнинг Ўзбекистон Республикаси бўйича марказий бошқарув органи томонидан ташкил этилган муассаса; диний ташкилот — фуқароларнинг белгиланган тартибда рўйхатдан ўтказилган, биргаликда динга эътиқод қилиш, ибодат қилиш, диний расм-русумлар ва маросимларни бажариш мақсадида ташкил этилган, даромад (фойда) олишни ўз фаолиятининг асосий мақсади қилиб олмаган ҳамда олинган даромадларни (фойдани) ўз иштирокчилари (аъзолари) ўртасида тақсимламайдиган кўнгилли бирлашмаси (маҳаллий диний ташкилот, диний таълим муассасаси ва диний ташкилотларнинг Ўзбекистон Республикаси бўйича марказий бошқарув органи); ҳисобланиши айтилганлиги ҳақида сўз юритди.
Шу билан бирга Қонунга кўра виждон эркинлиги — бу фуқароларнинг хоҳлаган динга эътиқод қилиш ёки ҳеч қайси динга эътиқод қилмаслик бўйича кафолатланган конституциявий ҳуқуқи эканлиги тушунтирилди.
Ўтказилган тарғибот тадбирларида иштирокчиларини қизиқтирган саволларига суд раиси томонидан батафсил жавоблар бериб ўтилди.