Тақиқланган экинлар ва психотроп моддалар билан муомала қилишнинг ҳуқуқий тартиби
Жиноят кодексига киритилган жиноятлар гиёҳвандлик воситалари ёки психотроп моддалар, шунингдек прекурсорлар билан муомала қилиш соҳасидаги ижтимоий муносабатларни муҳофаза қилишга қаратилган. Мазкур нормалар фуқароларнинг соғлиғини ҳимоя қилиш, давлат хавфсизлигини таъминлаш ва гиёҳвандлик воситалари ҳамда психотроп моддалар билан ноқонуний муомала қилишнинг олдини олишга хизмат қилади.
Тақиқланган экинларни етиштириш жинояти Жиноят кодексининг 270-моддасида белгиланган. Объектив томонига тақиқланган экинларни, яъни таркибида гиёҳвандлик моддалари мавжуд бўлган ўсимликларни экиш ёки етиштириш киради. Экинларни етиштириш деганда остирилиши тақиқланган ўсимликларни уруғи ёки кўчатларини тупроққа қадоқлаш ва пишиб етилиш босқичигача парваришлаш (суғориш, чопиқ қилиш, ўғитлаш ва бошқа ишлар) тушунилади.
Жиноятнинг субъектив томони айбнинг тўғри қасд шакли билан ифодаланади. Субъект сифатида 16 ёшга тўлган ақли расо шахс жиноят жавобгарлигига тортилади. Модданинг 2-қисмида жиноятни оғирлаштирувчи ҳолатлар белгиланган: илгари шу турдаги жиноятни содир этган шахс; бир гуруҳ шахслар томонидан олдиндан тил бириктириб; ўртача катталикдаги экин майдонида экин экиш ёки етиштириш. 3-қисмда эса: ўта хавфли рецидивист томонидан; уюшган гуруҳ ёки унинг манфаатларини кўзлаб; катта экин майдонида экин экиш ёки етиштириш ҳолатлари кўрсатилган.
Жиноят жавобгарлиги тақиқланган экинларни экиш ёки етиштиришга қаратилган ҳаракатлар амалга оширилган пайтдан бошлаб ҳисобланади.
Жиноят ишлари бўйича
Зафаробод туман суди раиси Ж. Салохиддинов